السيسي: اللي عاوز يبني بلده ما بيخافش أبدًا إلا من ربنا
أكد الرئيس عبد الفتاح السيسي، على ضرورة مواجهة الفساد، متابعًا: إحنا بنحفر مستقبل بلادنا ومعنديش أي شك، وأنا بحكي للناس في مصر، وكل طوبة بتتعمل في البلد دي أنا معاها وشايفها، والرئيس قاعد وشايف الفساد اللي اتعمل ومش ممكن يسيبه، ولو أنا معملتش كده المحافظ مش هيعمل، ليه علشان خايف، ووزير النقل مش هيعمل ليه علشان خايف، واللي عاوز يبني بلده ما بيخافش أبدًا، إلا من ربنا سبحان وتعالى.
تطوير الموانئ يهدف إلى وضع البلاد على خريطة المنافسة
على جانب آخر، قال الرئيس عبدالفتاح السيسي، إن تطوير الموانئ يهدف إلى وضع البلاد على خريطة المنافسة والاستفادة من قدراتها وموقعها، مؤكدًا أن كل ما يتم تنفيذه من مشروعات قومية هدفه مستقبل أفضل للأجيال المقبلة.
وأضاف الرئيس عبدالفتاح السيسي، في كلمته منذ قليل، خلال افتتاح محطة تحيا مصر متعددة الأغراض في محافظة الإسكندرية، أن الجزء الأول من الميناء كان على نفس الحالة منذ 25 عامًا، مردفًا: الجزء الأول اللي كان موجود استمر على كده 25 سنة، تحويل الدولة من حالة إلى حالة تانية لتأخذ مكانها وتستفيد من مكانها لا بد من بذل جهد وضخ أمول كثيرة.
وتابع: تطوير الميناء لنقوم به كدولة كان لا بد أن الحكومة تقوم بعمل برنامج ضخم جدا لبناء القدرات، لازم نقول ليه ونشير إن 25 سنة مازودناش.. حجم التطور في الدول يقعد 25 سنة؟!، بقالي سنين كتير بتفرج على ده وساكت.. المهم ده، ده المستقبل، كل اللي بنعمله مش عشانا عشان ولاد مصر وأحفادهم.
