بسمة وهبة: سمعت فتوى الحامل لا تطلق في السعودية.. وكنت بعمل خير في جوري بكر
ردت الإعلامية بسمة وهبة على منتقدي تصريحها الحامل لا تطلق، والذي أثار جدلا واسعا بالتزامن مع أزمة طلاق الفنانة جوري بكر، كما علقت على تصريحات الإعلامية وخبيرة التجميل جويل مردينيان.
وقالت بسمة وهبة في برنامجها 90 دقيقة على شاشة قناة المحور: ممكن الإنسان يكون عنده هوس التريند ولكن مينفعش يعمل حاجة مفيهاش حياء أو شاذة والمغالاة أو فضيحة، وجوري بكر لما نزلت خبر طلاقها وأنا عملت فيديو من قلبي وبعيد عن التريند؛ لأني سمعت في السعودية من شيخ من سنين أنه الحامل لا تطلق.
وواصلت بسمة وهبة: قولت لـ جوري المعلومة خوفا عليها وحبا في الخير والدنيا اتقلبت وقالوا بعمل تريندات، أنا بعمل أه بس مش ب دا، وهي قالت الأكونت اتهكر ومفيش طلاق، وناس قالولي أنها بتعمل كدا عشان التريند وأول ما سمعت كلامي قلقت لأنها متعرفش.
وأضافت بسمة وهبة: ناس من الأزهر أكدوا كلامي وناس تانيين قالوا غير حقيقي، وأنا لست أهل للدين ولست متخصصة عشان أطلع فتوى، أنا بعمل خير ويمكن يطلع كلامي حقيقي.
كما علقت بسمة وهبة على تصريحات الإعلامية جويل مردينيان بشأن الملابس المكشوفة، قائلة: جويل مردينيان قالت مفيهاش حاجة نلبس عريان لأن ربنا مش هيحاسبنا على الملابس، وبقول لها أه مفيهاش حاجة أنتي حرة، بس متدخليش ربنا في العُري، وتقولي أصله خلقنا عرايا، لو بتعملي تريند ملكيش دعوة ب ربنا.
