أحمد العوضي: الممثل مش بيبيع مُنكر.. وبإيدينا نخلي الفن حلال أو حرام
تحدث الفنان أحمد العوضي، عن فكرة حرمانية الفن، مؤكدًا أنه سلاح ذو حدين، ويمكن للممثل تشكيله كيفما يريد؛ إما أن يكون حلالًا أو حرامًا.
وقال أحمد العوضي خلال ندوته في القاهرة 24: بالنسبة للناس اللي بتقول الفن حرام، كل واحد حر يقول اللي يقوله، بس أنا عن نفسي شايف إن الفن مش حرام مطلق، أصل الممثل ده مش بيبيع منكر.
وتابع: شايف إن الممثل بـ إيده يخلي الفن حرام أو مش حرام، وده عموما في كل الشغلانات، الصحفي والدكتور ممكن يخلي شغلانته حرام أو مش حرام، لكن فيه شغلانات هي فعلا حرام مهما حاولت تجملها.
وأضاف: الفن يكون حرام لما تقدم حاجة مش صح والشباب تقلدك فيها، تخليهم يروحوا في اتجاه غلط، الفن بيكون نوع من الترفيه، مع إضافة موعظة فيه، لكن مش إن يكون العمل كله مواعظ، لأني لو عايز أوعي الجمهور بشكل كامل أروح أعمل برنامج أحسن.
أحمد العوضي في رمضان 2024
كما كشف العوضي خلال الندوة، خطته في موسم رمضان 2024، مؤكدًا أنه سينفصل فنيًا عن زوجته الفنانة ياسمين عبد العزيز، وأن العمل الذي سيشارك به سيحمل الطابع الشعبي، مبينا أن انفصاله عن زوجته لا يعني انفصاله عنها فنيًا للأبد، ولكنهما ينتظران أن يجمعهما عمل جيد كأعمالهما السابقة.
مسلسل ضرب نار
وشارك أحمد العوضي في موسم رمضان الماضي 2023، من خلال مسلسل ضرب نار، مع الفنانة ياسمين عبد العزيز، وعدد من الفنانين، أبرزهم ماجد المصري، إنتصار، سهير المرشدي، وآخرين.
