أحمد العوضي: بعذر الناس اللي بتقول الممثل غني ومش بيتعب.. ومينفعش استفزه وأقول عليّا أقساط
علق الفنان أحمد العوضي، على حديث بعض من الجمهور بأن الممثل يجني أموالًا دون أن يتعب فيها، مؤكدًا أنه يعذر هؤلاء الناس.
وقال أحمد العوضي، خلال ندوته في القاهرة 24: أنا بعذر الناس اللي بتقول الممثل غني ومعاه فلوس ومش بيتعب، ومينفعش أستفزه وأطلع أقول أنا عليّ أقساط، لأن فيه ناس فعلا حالتها المادية صعبة.
وتابع العوضي: في ناس بتكون بتشتغل شغلانات مرهقة وصعبة وفي الآخر بيقبض فلوس ميقدرش يصرف بيها على ولاده، وفي نفس الوقت بيشوف إن الممثل بيكسب فلوس كتير برغم إنه مش بيتعب نص التعب اللي هو بيتعبه.
وأضاف: في الدنيا أرزاق، بس أنا دوري كفنان وربنا أمرني، إني لو باخد 5 جنيه وشوفت واحد بياخد بريزة، وأنا في إمكنياتي، يبقى واجب عليّ أساعده.
وتطرق أحمد العوضي، للكشف عن رأيه في إفصاح الممثل عن رأيه على الملأ، مشيرًا إلى أن هذا دور الشخصية المشهورة، وقال: بطلع أقول رأيي عادي في الموضوعات مدام رأيي مفيهوش تجريح أو إساءة لحد، ما هو أنا قدوة لناس بتحبني، فـ لو فيه كلام مغلوط بيتقال، دوري إني أوعي الناس وأقول الصح.
آخر أعمال أحمد العوضي
على الجانب المهني، حقق أحمد العوضي نجاحًا كبيرًا في الفترة الأخيرة، من خلال مسلسل ضرب نار، الذي عرض في موسم رمضان الماضي 2023، بطولة الفنانة ياسمين عبد العزيز، وشارك في العمل كل من: ماجد المصري، انتصار، مها نصار، وغيرهم.
