صاحبة فيديو الفستان الأزرق: 90% من اللي واقفين في الفرح كانوا ستات.. ووالدة العروسة قريبة أمي
تحدثت ياسمين صاحبة فيديو فتاة الفستان الأزرق عن تفاصيل الفيديو المنتشر عبر السوشيال ميديا، وذلك خلال مداخلتها مع برنامج 90 دقيقة.
ياسمين صاحبة فيديو الفستان الأزرق: مش مسامحة أي حد اتكلم وحش في حقي
وخلال مداخلتها في برنامج 90 دقيقة قالت ياسمين: أنا مش مسامحة أي حد اتكلم في حقي وفي عرضي، وحسبي الله ونعم الوكيل في اللي نزل الفيديو، واللي طلعوا عليا شائعات وكلام مش كويس، وأنا كنت في فرح صاحبتي مش بعمل حاجة غلط، و90% من اللي واقفين كانوا ستات، والفرح كان عائلي.
وتابعت: مش هسامح أي شخص شهر بيا على السوشيال ميديا، سايبين ناس بيعملوا فيديوهات خليعة وبيحاسبوني؟!
وردت عليها الإعلامية بسمة وهبة قائلة: إوعي تخجلي من نفسك، واوعي تمشي ورا السوشيال ميديا، واوعي تكتئبي، أنا سألت عليكي في المنطقة وعرفت أصلك وفصلك، وأنتي بنت حلال.
فيديو فتاة الفستان الأزرق
وفي الآونة الأخيرة، انتشر فيديو فتاة الفستان الأزرق وهي ترقص بعفوية شديدة في فرح صديقتها عبر منصات التواصل الاجتماعي، وتعرضت الفتاة لانتقادات شديدة، حيث رأوا أن الرقص لا يصح بهذا الشكل في الأفراح.
