بعد اعتزاله الغناء.. خالد الفايد: محتاج شغل ومش هرجع للغنا تاني لو فيها موتي
طالب الفنان الشاب خالد الفايد متابعيه، بـ إيجاد فرصة عمل له، وذلك بعد اعتزاله الغناء بشكل نهائي، في الفترة الماضية؛ حيث أكد أنه رغم احتياجه للمال، لكنه لن يعود للغناء مرة أخرى.
وكتب خالد الفايد عبر حسابه الرسمي بـ فيس بوك، منشورًا، معلقًا فيه: السلام عليكم يا شباب من يوم ما بطلت الغناء وتبت إلى الله منه.. وأنا قاعد في البيت والدنيا واقعة جدا معايا.
وأضاف خالد الفايد: وأنا قاعد دلوقتي من غير شغل ومش هرجع للغناء، حتى لو فيها موتي أصلا.. أنا محتاج شغل ضروري براتب كويس أو مجزي يبقى جزاكم الله خيرا.
واختتم خالد حديثه: اللي حابب يتواصل.. أنا متاح على ماسنجر وجزاكم الله خيرًا مرة تانية.
ومن ناحية أخرى، أعرب خالد الفايد من قبل عن حزنه الشديد واستيائه من استخدام المحتوى الديني والقرآن الكريم.
وكتب خالد الفايد عبر حسابه الرسمي بموقع فيس بوك: الفترة الأخيرة بتابع الشباب والمحتوى الديني على السوشيال ميديا للأسف، اكتشفت إن القرآن أصبح وسيلة لجلب الفلوس والمتابعين والشهرة.
سبب اعتزال خالد الفايد الغناء
وكشف من قبل خالد الفايد سبب اعتزاله للغناء، وذلك خلال تصريحات سابقة لـ القاهرة 24، حيث قال: الغناء مش الهدف الأساسي اللي أنا عايش عشانه واللي اتخلقت عشانه، لإن ربنا خلقنا علشان العبادة، ولما غنيت كنت زي أي طفل حابب يظهر.
