ميرهان حسين تكشف سبب رفضها المشاركة في مسلسل ضرب نار مع العوضي وياسمين عبد العزيز
كشفت الفنانة ميرهان حسين سبب رفضها المشاركة في مسلسل ضرب نار، بطولة ياسمين عبد العزيز وأحمد العوضي والذي عرض في الموسم الرمضاني 2023.
وقالت ميرهان حسين في برنامج كلام الناس عبر شاشة إم بي سي مصر: رفضت دور في مسلسل ضرب نار للعوضي وياسمين عبد العزيز، لأن آخر حاجة كانت اتعرضت عليا مسلسل الونش، وكان دور بطولة واشتغلت على الدور جدا، وأشبعني فنيا، ولكن دوري في ضرب نار مكنش مناسب حاليا ليا، ومكنش ثانوي ولكن مكنتش حابه أقدمه بعد نجاحي في الونش.
وأضافت ميرهان حسين: أنا بعمل اللي شايفاه صح ولما بعتذر بقول أسبابي الحقيقية أيا ما كانت، ومش بلف ولا أدور ولو بنتعامل رسمي محدش هيزعل مني، لأني في الأول اتحصرت كتير في أدوار محددة، ومعتمدة على مواصفات شكلية وأنا كان نفسي أمثل وكنت بطلب دا ونفسي ألاقي دور أظهر فيه موهبتي.
ميرهان حسين تتحدث عن سبب اعتزالها
وتحدثت ميرهان حسين عن سبب إعلانها الاعتزال، مشيرة إلى انها كانت تمر بحالة إحباط واكتئاب، موضحة: كنت مضغوطة ومش مبسوطة ومكنتش مخططة لأي حاجة، وأنا زي أي حد ممكن اتضايق وأحس بظلم واتعب، واتخنقت جدا وحسيت إني عايزة أبعد عن كل حاجة مش قصدي الفن تحديدا.
وأضافت ميرهان حسين: قلت إني إجازة مفتوحة من السوشيال ميديا، وكنت عايزة أريح نفسي لأن كل حاجة بقت تضايقني، وأنا لما قولت كلمة اعتزل كان قصدي اعتزل ما يؤذيني لأن حالتي النفسية غير مستقرة، إنما لو قولت الجملة كانوا هيفهموا أن الفن بيأذيني، وأنا كتبت وقفلت تليفوني كام يوم وبطلت أتفرج على التلفزيون ووصلي حب الناس.
