كان بيدافع عن أخواته من التحرش.. السجن 5 سنوات للمتهم بقتل مصطفى ضحية أبو النمرس
قضت محكمة جنايات جنوب الجيزة المنعقدة بزينهم، بالحبس 5 سنوات للمتهم بقتل الشاب مصطفى بمنطقة أبو النمرس بالجيزة، بسبب دفاع المجني عليه عن شقيقاته من التحرش.
مقتل الشاب مصطفى بأبو النمرس
كان القاهرة 24، قد حصل على نص التحقيقات في قضية مقتل الشاب مصطفى بمنطقة أبو النمرس بمحافظة الجيزة، والتي اشتملت على أقوال المتهم وجاءت اعترافاته كالآتي:
اسمي حسام.ح.م، أبلغ من العمر 21 سنة وأعمل خباز، واللي حصل إن يوم الواقعة بالليل أنا كان معايا مجموعة من أصحابي وكنا في فرح واحد أخو صاحبي اسمه سعيد، وبعدين واحنا داخلين الفرح أنا وأصحابي أنا كنت سابقهم وبتكلم في التليفون وببص ورايا لقيت واحد واقف مع أصحابي وبيشد معاهم في الكلام، وبسأله في إيه فقالی إن في واحد من أصحابي بيعاكس أخته فبسأله من فيهم اللى عمل كدة فشاور ليا على أصغر واحد فينا عيل عنده 15 سنة، فقولتلته ده عیل صغير واعتذرت له وقلت له حقك عليا، فلاقيته بيقولى أنا مش هطلعكم من هنا، فقلتله روح الله يسهلك، وسبتهم ودخلت أنا وأصحابي الفرح، لكن لقيته سبقنا جوة الفرح وطلع هو واصحابه واقفين لينا بره.
بعدها جابوا كراسي وتعدوا علينا والناس جت وخلصونا من بعض، وأنا أخدت أصحابي وطلعت من الفرح لقيتهم بيجروا ورانا ويحدفونا بالطوب والزجاج وبقينا مش عارفين نروح فين وأنا جريت لقيت طوبه جت في ظهري، فأنا كنت خايف انهم يمسكوني ويضربونی، فلقيت نفسی بوطی وجبت طوبة من على الأرض وضربت اللي وقفني في الأول وبعدين أنا جريت وبعدين روحت البيت، وهناك عرفت إن الولد اللي خبطته بالطوبة توفى.
من جهة أخرى، قررت الدائرة 3 إرهاب، بـ محكمة أمن الدولة العليا طوارئ المنعقدة بمجمع محاكم بدر اليوم السبت، تأجيل إعادة إجراءات محاكمة متهم بالتورط في القضية المعروفة إعلاميًا بـ أحداث عنف الضاهر لجلسة 22 يوليو، لسماع شهادة الشهود.
تأجيل إعادة إجراءات محاكمة متهم بأحداث تجمهر الضاهر
وأسندت جهات التحقيق للمتهم وآخرين سبق الحكم عليهم عدة تهم، منها الاشتراك في تجمهر بغرض الاعتداء على الأشخاص والممتلكات العامة والخاصة، واستعراض القوة والتلويح بالعنف واستخدامهما ضد المجني عليهم بقصد ترويعهم وإلحاق الأذى المادي والمعنوي بهم، والقتل العمد لمواطنين.
