محمد عبد الرحمن يكشف موعد طرح فيلم البطة الصفرا
كشف الفنان محمد عبد الرحمن توتا موعد طرح فيلم البطة الصفرا، الذي يلعب بطولته، وذلك على هامش حضوره العرض الخاص لفيلم البعبع، بالأمس.
وقال محمد عبد الرحمن توتا خلال لقائه مع القاهرة 24: الجديد عندي في الفترة الجاية هو فيلم البطة الصفرا هينزل في شهر 8، هتشوفوا حاجة مختلفة.
وعن تعاونه في فيلم البعبع مع الفنان أمير كرارة وياسمين صبري والمخرج حسين المنباوي، أضاف محمد عبد الرحمن: مش أول مرة نشتغل مع بعض، أستاذ حسين مخرج كبير وبتشرف بالشغل معاه ومع كل زمايلي، ومش أول مرة أنا وأمير نبقى مع بعض في حاجة ودي تاني مرة، ولا أول مرة ياسمين وعملنا هنا وسرور قبل كده.
أما عن المنافسة في موسم أفلام عيد الأضحى 2023، أردف محمد عبد الرحمن: المنافسة موجودة ولكن أتمنى إن كل الأفلام ربنا يكرمهم، وكله في الآخر لصالح الصناع والمتفرج اللي بيشوف حوالي 3 أو 4 أفلام، كله في مصلحة الجمهور في الآخر.
أبطال فيلم البطة الصفرا
يشارك في فيلم البطة الصفرا العديد من الفنانين، منهم: غادة عادل، محمد عبد الرحمن توتا، محمود حافظ، فرح الزاهد، إبرام سمير، حسن أبو الروس، صلاح عبد الله، سامي مغاوري، عمرو رمزي، أحمد طلعت، والفيلم من تأليف محمود عزت، وتحت قيادة المخرج عصان نجار.
