شاهد عيان في جريمة الهرم: 6 أشخاص نزلوا من تروسيكل ضربوا سيد وطعنوه
كشف أحد شهود العيان، تفاصيل جديدة في الواقعة التي قتل فيها سيد ضحية نسايب شقيقه بـ الهرم.
وذكر أنه فوجئ بـ تروسيكل يحمل 6 أشخاص، انهالوا على الضحية بالضرب بأسلحة بيضاء وشوم أمام الورشة التي يعمل بها، في حين اعتدى عليه أحدهم بمطواة وتركوه غارقا في دمائه لكنه لقي مصرعه بعد وصوله المستشفى.
ويواصل القاهرة 24 على نشر نص التحقيقات في القضية التي حملت رقم45598 لسنة 2022 جنح الهرم.
مقتل شخص بالهرم
وقال شاهد العيان في التحقيقات: اللي حصل اني كنت واقف مع سيد قدام الورشة اللي هو شغال فيها، وبيتكلم معايا عشان يحكيلي على اللي حصل بينه وبين نسايبه والمشاكل اللي هم فيها، وإحنا واقفين فجأة لقيت تروسيكل عليه 6 أفراد، نزلوا من التروسكيل على سيد عشان يضربوه وكان معاهم شوم ومطواة وكتر.
وتابع الشاهد: أنا لما لقيت اللي بيحصل ده قدامي حاولت أحوش بينهم ومسكت واحد منهم وبعدته عن سيد، لكن واحد منهم جري ورا سيد وضربه بالمطوة في بطنه وواحد تاني حاول يضربه بكتر في وشه، لكن مجاتش فيه بس خربشه خربيشة بسيطة في رقبته، وبعدها سيد جري على الصيدلية وواحد من اللي كانوا موجودين جاب موتوسيكل واخد سید عليه وطلعوا على المستشفى ومات، والتروسيكل ده جري ملحقناش نمسك حد فيهم، وبس ده كل اللي حصل.
