مي كساب لـ محمد سامي: أنت مخرج منفرد وحالة خاصة.. وهننجح معاك نجاح أكبر من اللي فات
وجهت الفنانة مي كساب رسالة إلى المخرج محمد سامي، مع استعدادهم لتقديم جزء ثان من مسلسل جعفر العمدة الذي حقق نجاحًا كبيرًا في الموسم الرمضاني الماضي.
وقالت مي كساب لـ القاهرة 24: بقول لمحمد سامي ربنا يعينك ومتأكدين وكلنا ثقة كبيرة فيك إننا هننجح معاك نجاح أكبر من اللي فات، وربنا يعينه ويقدره ويوفقه لإنه بيتعب كتير وهو مخرج منفرد وحالة خاصة وهو فعلا مخرج الشعب وربنا يكرمه.
إحنا شغالين علشان الجمهور
وأضافت مي كساب: لو مقدمناش أعمال جماهيرية يبقى ملناش لازمة نشتغل وإحنا شغالين علشان الجمهور مش علشان حد تاني.
وأشارت مي كساب، إلى أنها تثق أن المخرج محمد سامي سيقدم في الجزء الثاني من مسلسل جعفر العمدة نجاحًا كبيرًا، قائلة: واثقة ومتأكدة أن محمد سامي هيقدم مسلسل تاني جوه المسلسل، ولم نتوقع وجود جزء ثان من العمل، ولكن محمد سامي وافق على تقديم جزء ثان بناء على طلب الجمهور وطلب شركة التوزيع والإنتاج لأن المسلسل نجح نجاح ساحق في الوطن العربي.
وأكدت مي كساب، أنها لم تتردد في المشاركة في الجزء الثاني من جعفر العمدة، قائلة: هسيب نجاحي إزاي ده نجاحي لازم أكمله ونجاحنا كلنا، وأي حد فينا أكيد هيكون له دور مش هيتردد أبدا، وربنا يكرمنا ونكون عند حسن حظ الجمهور.
