تامر حسني بعد الإشادة بفيلمه تاج من المتابعين: إن شاء الله هنعمل لكم جزء تاني
وعد الفنان تامر حسني، متابعينه بتقديم جزء ثان من فيلمه تاج الذي يعرض حاليًا بدور العرض السينمائي، وذلك بعد إشادات من متابعينه بالعمل.
وجاء ذلك ردًا على إحدى متابعينه التي كتبت له: بابا أول مرة يدخل السينما من 30 سنة وطبعا ما فضلنا نلح عليه نخرج أول يوم العيد وطبعا روحنا شوفنا الفيلم بتاعك ولقينا بابا انهبر بالفيلم وبأداءك الجميل وضحك ضحك قمر ربنا يديمه عليه نعمة، شكرا يا تمورا على الفيلم القمر ده بكل تفاصيله الحلو الفيلم ياخد تقييم ١٠.٠٠٠ من ١٠٠٠ فيلم رائع رائع رائع منتظرين جزء تاني.
ومن ناحيته رد تامر حسني كاتبًا: طب سلامي لبابا ارجوكي وقوليله اني فرحان اوي انه ضحك وانبسط بسببي بعد 30 سنة والله والله فرحان من قلبي وسلامي لكل العيلة وحاضر إن شاء الله نعمل عشانكم كلكم جزء تاني.
وينافس فيلم تاج لـ تامر حسني في شباك تذاكر الأفلام مع مجموعة من الأفلام الأخرى وهي فيلم البعبع بطولة الفنان أمير كرارة، فيلم بيت الروبي بطولة الفنان كريم عبد العزيز، وفيلم مستر إكس بطولة الفنان أحمد فهمي.
واحتل فيلم تاج المركز الثاني بين الأفلام الأربعة التي عرضت محققًا 3،834،551 جنيه، فيما جاء في المركز الأول فيلم بيت الروبي بطولة كريم عبد العزيز، محققًا 5،834،812 جينه.
