أمير عيد: الطبقة المتوسطة رمانة الميزان ولازم نحافظ عليها.. وبحس نفسي شخصية عادية ومش ناجح
تحدث الفنان أمير عيد عن الطبقة المتوسطة الذي تربي من خلالها ورأيه فيها، وبجانب ذلك حديثه عن مفهومه للنجاح، مشيرًا: ببص على نفسي بحس شخصية عادية مش ناجح.
وقال أمير عيد خلال تصريحات تليفزيونية: أنا كنت من طبقة متوسطة.. وبحس أن الطبقة المتوسطة هي اللي بطلع الفنون وبحس أنها بتنقرض.. والطبقة المتوسطة هي رمانة الميزان ولازم نحافظ عليها، وهي اللي بتعمل المجتمع ومحظوظ أني كنت من الطبقة ديه.
وعن مفهومه للنجاح، أضاف أمير عيد: ببص على نفسي بحس أني شخصية عادية ومش بشوف نفسي ناجح ولا بؤمن بـ ده.. والنجاح بالنسبالي أكون راضي وعايش في سلام، ولو كتبت كتاب عن قصة حياتي هسميه الأقلية العظمى.. وبكتب قصة عن وسط البلد وممكن تكون في رواية.
ووجه أمير عيد رسالة للخريجين، قائلًا: اوعى تعاكس خليك مشاكس.. فاهم بس مش حافظ دايما برا القطيع.. قلبك يفضل حاسس ومليان مش ناقص امسك في الرأي واوعى تكون مطيع.
آخر أعمال أمير عيد
ويعد آخر أعمال أمير عيد هو مسلسل ريفو 2، الذي يعرض في الوقت الحالي على منصة watch it، وضم العمل عددا كبيرا من النجوم أبرزهم، تامر هاشم، حسن أبو الروس، مينا النجار، سارة عبد الرحمن، ركين سعد، صدقي صخر، وعددا آخر من الفنانين، والعمل من تأليف محمد ناير وإخراج يحيى إسماعيل.
