حسن شاكوش لمنتقدي أغنيته الشهيرة عبستك إزاي: شبعنا ترندات.. ومفكرين هيمسكوها عليا ذلة
وجه مطرب المهرجانات حسن شاكوش، رسالة لمنتقديه الذين سخروا منه بسبب أغنيته عبستك إزاي يا دنيا وإنتي مش بستاني، وهي الأغنية التي علق عليها الجمهور مؤخرًا بسبب الأخطاء الإملائية للأخير.
وقال حسن شاكوش، خلال حفله في الساحل الشمالي الذي أقيم أمس بأحد الشواطئ، أنا عايز أعرفكم إن كل اللى بيتقال ده إشاعات، فكله عايز ترندات وإحنا شبعنا من الترندات.
وتابع شاكوش: حسن شاكوش بيقول ليكو في وجع قلب اللي فات، وفاكرين هيمسكوها عليا ذلة لا عملت ليهم أغنية عبستك إزاي يا دنيا وإنتي مش بستاني.
أعمال حسن شاكوش
وعلى جانب آخر، طرح حسن شاكوش مؤخرًا أغنية أغنية بعنوان عبستك إزاي يا دنيا وإنتي مش بستاني، وذلك كنوع من المشاركة في الترند، وتقول كلمات الأغنية: عبستك إزاي يا دنيا وأنتي مش بستاني؟ وأنت تول الوقت قالبة على الوش التاني.
حسن شاكوش وأزمته مع زوجته ريم طارق
وفي وقت سابق، أثار حسن شاكوش جدلًا واسعًا خلال الفترة الماضية، بعد أزماته الشهيرة مع زوجته ريم طارق، والتي حررت محضرًا ضده بعدما طردها من الزوجية واستولى على قائمة المنقولات الخاصة بها.
وكتب حسن شاكوش، عبر حسابه الشخصي بموقع تبادل الصور والفيديوهات إنستجرام: الحمد الله والشكر ليك يارب على كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شيء طالما محدش شاف حاجة، وأنا برضو هفضل عند قراري مش هتكلم في أي تفاصيل حتى مهما سمعت أي تجريح بس حقيقي كل شخص هيتسأل قدام ربنا عن كلامه.
