حسام حسني: نص جيلنا راح بموت علاء عبد الخالق.. ولازم يكرمونا أحياء
أعرب الفنان حسام حسني عن حزنه الشديد وغضبه؛ لعدم تكريم الفنانين القدماء قبل وفاتهم، وذلك بعد وفاة الفنان الراحل علاء عبد الخالق.
وقال حسام حسني، خلال لقائه مع القاهرة 24: نص جيلنا مات خلاص بموت علاء، ربنا يستر في الباقي، نص جيلنا راح علي حميدة وشهاب حسني قبليه، بنروح واحد واحد، وبيفكروا يكرمونا دلوقتي لازم يتم تكريمنا وإحنا أحياء مش يفتكروا وإحنا أموات، ومتعرضناش لظلم، وفيه تجاهل إعلامي، علاء إنسان من الدرجة الأولى، وعلاء ميت على سريره، وكلام السوشيال ميديا غلط ومكنش عنده أي مشاكل صحية.
وأردف: علاء إنسان قبل أن يكون فنانا، وعلاء من أوائل جيلنا وقلبنا يتقطر حزنا عليه، وكان عنده جلطة وخف منها وعيدنا على بعض في العيد، وشوفناه في فرح بنته واتجمعنا كلنا حواليه وواضح أنه كان وداع واحنا مش واخدين بالنا.
عزاء الفنان الراحل علاء عبد الخالق
وانتهى منذ قليل عزاء الراحل علاء عبد الخالق بمسجد الشرطة بمدينة الشيخ زايد، وسط حضور كبير من الوسط الفني، وحرص عدد كبير من الفنانين على الحضور، ومنهم: عمرو مصطفى، أكرم حسني، منى عبد الغني، حلمي عبد الباقي، محمد منير، رامي صبري، إيهاب توفيق، أيمن بهجت قمر، محمد محيي، سامح يسري، مدحت صالح، مي فاروق، شاندو، حسام حسني، مصطفى يونس، مجد القاسم.
