محمود حافظ يكشف عن رأيه في تقديم القضايا الجريئة بالأعمال الفنية: إحنا مجتمعات شرقية
كشف الفنان محمود حافظ رأيه في تقديم القضايا الجريئة وغير المألوفة على المشاهد، مشيرًا إلى أننا في المجتمعات الشرقية نخشى الاقتراب منها.
وقال حافظ خلال حواره مع القاهرة 24: هي موجودة عندنا.. وإحنا كـ بشر بس بنخاف نقرب منها؛ نظرًا لأننا مجتمعات شرقية.
وأضاف: زي مثلا كل شخص فينا بنبقى لينا شخصية في الحياة، وممكن تبقى شخص مؤدب ومهذب جدا، زي ما ربنا خلقنا متنوعين، بس في الحياة في الغرف المغلقة، محدش يعرفك غير شخصك وربنا سبحانه وتعالى.
وسبق وكشف محمود حافظ موقفه من الحديث المتداول مؤخرًا حول حرمانية الفن، قائلا: إيه اللي حرّم الفن؟، الحمد لله إحنا بنتعب جدًا في شغلنا ومبنعملش أي حاجة فيها محرمات تغضب ربنا.
وأضاف: ولكن الناس علشان مشافتناش على حقيقتنا في شغلنا، وكل واحد ممكن من ورا الشاشات زي السوشيال ميديا يشتموا فينا، بتشتموا فينا ليه؟، إحنا بشر وبنزعل وبنفرح وعندنا أولاد وأسر.
فيلم أصل الحكاية
ويواصل محمود حافظ تصوير مشاهده في فيلم أصل الحكاية، بطولة الفنان خالد الصاوي، والعديد من الفنانين، أبرزهم الفنانة شيري عادل، عابد عناني، كريم عفيفي، محمد ثروت، إيمان السيد، يوسف عثمان، جيسيكا حسام الدين، وغيرهم، ومن إخراج محمد أمين.
وشارك محمود حافظ في موسم رمضان الماضي من خلال مسلسل بابا المجال، بطولة الفنان مصطفى شعبان، نسرين أمين، سوسن بدر، رياض الخولي، وآخرين.
