حنان شوقي توضح المقصود بحجاب الجوارح: أنا محجبة كلية إنما حجاب المظهر فاني
تحدثت الفنانة حنان شوقي، عن تصريحها المثير للجدل بشأن ارتداء الحجاب، إذ قالت إنها ترتدي حجاب الجوارح.
وأوضحت حنان شوقي لـ القاهرة 24 المقصود بتصريحها قائلة: أنا لابسة حجاب جوارح وده آية في القرآن بتقول يوم تشهد عليهم ألسنتهم وأيديهم وأرجلهم يعني كل جوارحنا هتنطق، العين واللسان إنما حجاب المظهر ده فاني، وربنا مش بياخد بالأشكال ربنا بياخد بآية قرآنية من أتى الله بقلب سليم، ومش معنى كده أني بتفه من الحجاب.
وأكدت حنان شوقي أنها لا تخشى من الانتقادات قائلة: أنا لو مت الناس مش هيكونوا معايا وماليش دعوة بحد مش بيفهم، وأنا مش بتفه الحجاب ولكن أنا بتسأل عني.
وتابعت حنان شوقي: مين قال أني مش محجبة كلية، أنا محترمة وبلبس لبس محترم وشيك في نفس الوقت مش لازم ابقى متبهدلة وكل عصر له شكله والمهم عندي جوارحي وجوهري ده أهم حاجة في الوجود ويا فرحتي من بره أكون بالشكل، ولكن أنا مش بص للحكاية كده ومش بتفه من أي حد لابس كده وبحترم كل الناس وده أهم حاجة عند ربنا واللي بيفرق جوهر البني آدم، لكن الناس فاهمين الحجاب أني أحط طرحة على وشي.
آخر أعمال حنان شوقي
يعد مسلسل الأب الروحي آخر عمل شاركت فيه الفنانة حنان شوقي عام 2018، مع أحمد عبد العزيز وسوسن بدر ومحمد عادل وميرهان حسين وعمر الشناوي وغيرهم من الفنانين.
