مش عارف أعيش من غيرك.. ابن يستغيث لعودة والدته المتغيبة: مقدر اللي مريتي بيه

ارجعيلنا إحنا محتاجينك جدا ومش قادرين نعيش لحظة حلوة من غيرك أنا وأختي چنى.. بهذه الكلمات نشر ابن يُدعى أحمد، رسالة استغاثة للبحث عن والدته، عبر صفحات مواقع التواصل الاجتماعي، مؤكدا أنها متغيبة منذ عام 2019 ولا يعلم إن كانت على قيد الحياة أو توفيت أو ما حدث لها.

وتداولت الرسالة التي حملت كلمات مؤثرة ومشاعر حزينة، على نطاق واسع عبر صفحات الـ فيسبوك، وطالب الابن بنشر رسالته ومحاولة التواصل معه في حالة معرفة أحد مكان والدته، وأرفق في منشوره صورة لها معه هو وشقيقته.

وقال الابن في رسالته: أمي الحبيبة.. لو انتي شايفة البوست ده بالله عليكي ارجعيلنا، أنا عاوز أشوفك حتى لو من بعيد، أطمن عليكي بس وأنا مقدر كل الظروف اللي مريتي بيها.. عايز بس اتطمن عليكي والله بموت من غيرك،
مش عارف إنتي عايشة ولا ميتة ولا حالتك إيه؟.
 

واستكمل الابن: كلميني بس ولو حتى مش عايزة ترجعي وعايزة تفضلي في نفس مكانك أنا بقولك أنا معاكي.. فترة كبيرة أوي يا أمي تعبنا فيها أوي.. بالله عليكي لو شايفة البوست طمنينا عليكي  لو فيه مكالمة.

تعبان من غيرك يا أمي

وأضاف الابن في رسالته: بكتب لك وأنا مش قادر أمسك دموعي تعبان من غيرك يا أمي، بحبك أوي.

وطالب الابن في نهاية منشوره بالدعاء لوالدته أن تعود لهم قائلا: ادعولها ربنا يحفظها وتكون بخير، محدش يقول أي كلمة وحشة على أمي الله أعلم بيها وبظروفها.. شيروا كتير ساعدوني بالله عليكم يمكن تشوفها جايز تشوفها.

ونشر الابن بيانات عن والدته، وهي من سكان عزبة محسن في الإسكندرية، مطالبا من يراها بالتواصل معه وذلك من خلال الرقم 
 01210754301