هند عاكف خلال افتتاح المهرجان القومي المصري للمسرح: محمد رياض أثبت للجميع أن جيلنا يستحق
أعربت الفنانة هند عاكف عن سعادتها الشديدة لمشاركتها في الدورة الـ 16 من مهرجان المسرح المصري القومي، برئاسة الفنان محمد رياض.
وقالت الفنانة هند عاكف، خلال لقائها مع القاهرة 24: الافتتاح جميل ومنظم وسعيدة بالدورة ديه، دورة النجم الكبير الأستاذ عادل إمام، ورئيس المهرجان النجم الجميل زميلي، وبنتشرف إن إحنا من جيل واحد محمد رياض، عامل مجهود كبير جدًا، وبذل جهد وطاقة فنية كبيرة، وبيثبت للناس إن جيلنا يستحق، وسعيدة بتعاوني مع مجموعة من المكرميين.
وأردفت هند عاكف: بشكر كل القائمين على المسرح المصري، ووزيرة الثقافة الدكتورة نيفين الكيلاني، وفي نشاط كبير في مسارح الدورة، وديه الثقافة الفنية، والمسرح المصري بيبقى فيه إبداع وتنوير للمجتمعين.
كما وجهت الفنانة هند عاكف، رسالة للزعيم عادل إمام بسبب اطلاق اسمه على الدورة الـ 16 من مهرجان المسرح المصري، إذ قالت: الزعيم يا نجم النجوم، نتشرف بيك، وسعيدة إن حضرتك نجم الدورة، وأنا اشتغلت معاه في فيلم مسجل خطر، وكانوا مشهدين فقط في الفيلم، وكنت مصرة إني أشتغل في الفيلم مع النجم في بداية حياتي فنية، ويا رب يديك الصحة وتفضل تنور الفن المصري والعربي طول الحياة.
وعن أزمة الأجور في المسرح، قالت هند عاكف: فيه نجوم كبير بتعمل مسرحيات مثل داليا البحيري، ولو فيه رواية وحشة محدش هيعترض، دلوقتي فيه روايات كتير حلوة بتتقدم، وفيه روايات بتتاخد بطريقة العصر الجديد، وأنا عملت أكتر من 30 رواية.
هند عاكف: أنا رجعت الفن بعد غياب 10 سنين
واختتمت هند عاكف حديثها عن اعتزال بعض الفنانين للتمثيل بسبب قلة الأعمال، قائلة: ده رزق من عند ربنا، ولكن لازم يبقى عندك أمل ورؤية، والأستاذ أحمد زكي قال يكفيك شرف المحاولة، وإن شاء الله اللي كاتبوا ربنا يستمر، والفن ده رزق، فيه ناس موهوبة وقاعدة في البيت، وأنا رجعت الفن بعد غياب 10 سنين، ومتستلموش، واتعرض عليا حاجات كتير مينفعش أقدمها لجمهوري حبيبي، وأنا مبعرفش الفشل، وجيلنا يستحق، والدليل مجهود الفنان محمد رياض في المهرجان.
