طارق الشيخ: مهما عملوا تطورات في النقابة.. كل اللي بتمناه إن كل مريض يتعالج
شارك الفنان طارق الشيخ في انتخابات مجلس إدارة نقابة المهن الموسيقية، والتي تقام الآن بنادي نقابة المهن التمثيلية، بحضور النقيب الفنان مصطفى كامل.
وقال طارق الشيخ خلال تصريح خاص لـ القاهرة 24: مهما عملوا تطورات في النقابة، كل اللي بتمناه إن كل مريض يتعالج، واللي يقدر يوفر الحاجة دي أنا أشيله فوق دماغي، ياريت يعملوا دار للمسنين لأن في ناس كتير لما قعدت في البيت محدش بصلهم أساسًا.
تفاصيل الحالة الصحية للفنان طارق الشيخ
وطمأن طارق الشيخ، جمهوره على حالته الصحية، حيث أكد أنه أصبح بخير بعد إجراء جراحة الفترة الماضية، قائلًا: أنا تعبت بسبب شقايا، ولكن النقابة ساهمت في علاجي، كل اللي بتمناه النقابة تاخد مني وتدي غيري، ألحقوه قبل ما يكون مسن وعالجوه، مبقولكش روح اعمله فرح بنته.
كما تطرق طارق الشيخ إلى الحديث عن إنجازات الفنان مصطفى كامل نقيب الموسيقيين، بعد توليه منصب النقيب: مصطفى كامل ملحن وفنان ومطرب كبير، النقابة هي هي متغيرتش ولكن المبادئ بتتغير، في ناس مسكت نقابات سابت للناس اللي معاها.
