مرتضى منصور: أعلن رحيلي عن الزمالك واستقالتي من أي منصب بالنادي
قرر مرتضى منصور رحيله عن أي منصب إداري في نادي الزمالك، بعد ما قدمه إلى النادي وجماهير الفريق خلال الفترة الماضية.
رحيل مرتضى منصور عن نادي الزمالك
وكشف المستشار مرتضى منصور، عبر حسابة على موقع يوتيوب، في فيديو مصور عن قراره بالرحيل عن نادي الزمالك.
وأضاف مرتضى منصور: عشان تجيب بطولات لازم يكون لاعيبة، الجمهور عاوز بطولات مش فارق معاه مرتضى منصور أو ممدوح عباس.
وتابع منصور: الخناقة اللي بيني وبينك خلصت، ارفع الحجز عن نادي الزمالك، خلي الزمالك يرجع كبير تاني، أمير مشي ومش عاوز يرجع، وأحمد هيمشي.
وأكد مرتضى منصور: أنا خارج المشهد، وأرفع الحجز، وسايب النادي فيه 21 مليون جنيه، وابعتوا المحاسبين ويراجعوا الحسابات، وبشكر كل اللاعبين الأبطال، وعلى رأسهم شيكابالا.
واختتم مرتضى منصور: كنت عاوز من شيكابالا لما يتكلم يكمل كلامه، ويقول إن المشاكل اللي في نادي الزمالك، بسبب ممدوح عباس، وفلوس كهربا هتسدد وتساعد الزمالك على دفع الفلوس للاعبين.
واختتم مرتضى منصور: أنا شايف كيان النادي بينهار، بسبب واحد داخل خناقة أنا مش طرف فيها، حاجز على النادي اللي بيحبه، عشان مرتضى منصور، وأنا أهو خارج النادي، واتصرفت في فلوس عشان أقيد اللاعبين في القائمة الأولى.
