نجم الأهلي السابق: مستاء من إمام عاشور.. وقلقان منه في القلعة الحمراء
أبدى محمد يوسف، مدرب النادي الأهلي السابق، استياءه من إمام عاشور لاعب ميتلاند الدنماركي سابقا والنادي الأهلي حاليا.
تصريحات محمد يوسف
وقال محمد يوسف في تصريحات تليفزيونية: مستاء بس من إمام عاشور، بسبب عدم استكمال رحلة احترافه، أنت جاتلك فرصة تحترف، ليه مكملتش؟، وعدم استكمال إمام عاشور لاحترافه بيخليني أقلق على مسيرة إمام مع الأهلي.
وأضاف محمد يوسف: دلوقتي أي لاعب صغير بيبقى حلمه الاحتراف، يبقى ليه يا إمام متكملش؟.
كما وجه محمد يوسف مدرب الأهلي السابق نصيحة خاصة لـ إمام عاشور لاعب الفريق الجديد.
وقال محمد يوسف في تصريحاته: إمام عاشور لاعب جيد جدا، ولاعب مختلف مش موجود في الأهلي، وممكن يلعب ظهير أيمن.
وأردف نجم الأهلي السابق: لكن هل إمام عاشور هيكون قادر على السير بنظام الأهلي، وفيه ناس معرفتش تمشي على نظام الأهلي.
وواصل: ميزة الأهلي توفير مناخ العمل في أفضل جو، ولو مدخلتش في المناخ ده، يبقى العيب منك أنت.
واختتم نجم الكرة المصرية السابق: فيه ناس دخلت الأهلي لكن مكانتش عارفة تمشي على نظامه، لازم تاخد بالك من أفعالك والأماكن اللي بتروحها لازم تاخد بالك من حياتك.
وأعلن النادي الأهلي في وقت سابق، التعاقد مع إمام عاشور قادمًا من نادي ميتلاند الدنماركي، في الانتقالات الصيفية الجارية، وذلك بعد 6 أشهر من رحيله عن القلعة البيضاء في يناير الماضي.
