محمد عبد الرحمن: مو صلاح صاحبي جدًا واتصور بالبطة الصفرا بتاعة الفيلم.. ومش بنافس حد
تحدث الفنان محمد عبد الرحمن، الشهير بـ توتا، تفاصيل مشاركته في فيلم البطة الصفرا، بطولته والفنانة غادة عادل والذي أُقيم العرض الخاص به أمس.
وقال محمد عبد الرحمن، في لقائه مع القاهرة 24، عن تفاصيل الفيلم وظهور اللاعب محمد صلاح ممسكًا بـ بطة صفراء: هنشوف البطة الصفرا دي إيه مشكلتها، وإيه اللي عملته في الفيلم وأحداثه، ومحمد صلاح اتصور وهو ماسك بطة صفرا، أنا مش عارف هو عمل كده حقيقي ولا لأ، ومن أجل الفيلم ولا لأ، وهو صاحبي جدًا شرف ليا طبعًا، وفي الآخر الناس خدوها في الطريق ده.
أما عن المنافسة وسط الأفلام المعروضة في دور العرض السينمائي حاليًا، فعلق محمد عبد الرحمن قائلًا: أنا مش بنافس حد وبتمنى كل يوم يكون في فيلم حلو، وإن شاء الله بإذن الله أكون عملت تجربة كويسة، ويكون حاجة ممتعة للجمهور أننا نتفرج على فيلم كويس، مش مهم المنافسة.
كما كشف الفنان محمد عبد الرحمن تفاصيل أعماله الفنية المقبلة، قائلًا: بحضر سينما إن شاء الله ومسلسل دراما 10 حلقات.
أبطال فيلم البطة الصفرا
وفيلم البطة الصفرا من بطولة محمد عبد الرحمن، غادة عادل، محمود حافظ، فرح الزاهد، إبرام سمير، حسن أبو الروس، أحمد طلعت، صلاح عبد الله، سامي مغاوري، عمرو رمزي، إنتاج شركة رايم لرامي السكري.
