هاني عادل: عملت أغنية هحكي عنك بسبب تحدي.. وتراست إيشوز كتبناها وقت كورونا
يحيي الآن الفنان هاني عادل، حفلًا جماهيريا بمكتبة الإسكندرية، ضمن فعاليات مهرجان الصيف الدولي في دورته العشرون.
وكشف الفنان هاني عادل فكرة أغنية تراست إيشوز، وأغنية هحكي عنك، وذلك على هامش حفلته بمكتبة الإسكندرية، قائلًا: أغنية تراست إيشوز مع الشاعر حازم ويفي كتبناها وقت كورونا كنا في دهب، واللي بيقول إنه معندوش تراست إيشوز هو متأكد!.
أما عن أغنية هحكي عنك، قال هاني عادل: أغنية هحكي عنك الناس افتكرت إنها عن حدث في حياتي، بس الحقيقة إنه كان تحدي بالنسبالي، لما حد قالي أنت مش بتعمل النوع ده من الأغاني، قررت أعمله، وهي كانت دعاية لرواية سوف أحكي عنك، لصديقي الكاتب أحمد مهنى، وكتب الأغنية محمد إبراهيم.
هاني عادل يعرب عن سعادته بسبب حفله بمكتبة الإسكندرية
وعبر هاني عادل عن سعادته الشديدة لإحيائه حفل ضمن فعاليات مهرجان الصيف الدولي، الذي يقام بمكتبة الإسكندرية، حيث قال: إني أطلع وأغني أغنياتي لوحدي ده أقدر أقول عليه حلم وحصل زي اسم أغنيتي، لأني في بداياتي كنت بغني دايمًا مع فرقة افتكاسات، وبعدين مع فرقتي وسط البلد، ودي رابع حفلة أغنيها لوحدي، وده كان بيتطلب جزء كبير ثقة في نفسي وفي الموسيقيين اللي معايا.
وأضاف هاني عادل: مبسوط جدًا أنكو جيتوا وإننا معاكوا في إسكندرية، النهاردة هنقدم مشروع الرجل الرمادي، اللي بغني فيه أعمال بعيد عن وسط البلد، وأغاني غنيتها في أفلام.
