لص فيلا محمد صلاح: طلبت من فخر العرب حاجة خاصة قبل الحادثة ووافق عليها على طول
كشفت تحقيقات سرقة فيلا محمد صلاح اللاعب الدولي ونجم منتخب مصر، والمحترف حاليا في نادي ليفربول الإنجليزي بالتجمع الأول تفاصيل جديدة في الواقعة.
سرقة فيلا محمد صلاح
وحصل القاهرة 24 على نص تحقيقات واعترافات المتهمين بسرقة فيلا محمد صلاح في القضية رقم 4262 لسنة 2023 جنح التجمع الأول.
اعترافات متهم بسرقة محمد صلاح
وجاءت اعترافات المتهم الأول بسرقة فيلا محمد صلاح اللاعب الدولي كالآتي: أنا بدأت أشتغل في كومبوند شهير بالتجمع الأول من بداية عام 2020 لحد شهر يوليو 2021 وكنت شغال فرد أمن لـ الفيلا ومعظم فترة شغلي حراسة عشر فيلل فى B4 وكان منهم فيلا اللاعب محمد صلاح وكنت بلف عليهم من بره باستمرار.
وتابع المتهم بسرقة فيلا محمد صلاح: كنت بتعامل مع سكان الوحدات السكنية المكلف بحراستها ورقمي معاهم عشان لو حصل مشكلة يقولوا لي عليها أو لو عميل مغادر وهيسيب البيت فترة وحد سأل عليه أكلمه وأقوله أو لو فيه دليفيرى جاب حاجة لعميل وهو مش موجود يكلمني ويقول لي إن الدليفيرى جايب حاجة خليها معاك ومكنش مسموح ليا أدخل جوة الوحدات السكنية.
وأشار المتهم بسرقة فيلا محمد صلاح: تعاملت مرة واحد بس مع محمد صلاح قبل الحادثة، بعد ما اشتغلت بفترة كبيرة بس أنا مش فاكر امتى بالظبط وهو كان جاى يقعد فى الفيلا وطلبت من السواق بتاعه يقوله أنا عايز أتصور معاه فالسواق بتاعه قاله ولقيت السواق جالی وقالي تعالی أتصور معاه، واتصورنا فى طرقة الفيلا الخارجية قدام باب الفيلا الداخلي وطلعت على طول ومدخلتش تاني لحد ما سبت الشغل، وماتعملتش مع محمد صلاح تاني وكان سبب إني أسيب الشغل المرتب مكنش مكفيني فجالى شغل كويس فى شركة دهانات بمرتب كويس فسبت الشغل ورحت اشتغلت فيها.
