عايدة الأيوبي: الموهوبين في الراب بيواجهوا مشاكل بسبب التقليدية.. وبنتي لديها ميول غنائية
تحدثت الفنانة عايدة الأيوبي عن أولادها ودخولهم لمجال الفن والغناء، مشيرة إلى أنها تهتم بمشاكل الشباب في فيلم خمس جولات، معلقة: حاسة بمشاكلهم واللي عايز يطلع رابر مشهور إيه مشكلته.
وقالت عايدة الأيوبي خلال حوارها مع القاهرة 24: ولادي قريبين من سن نور النبوي وآدم الشرقاوي في فيلم خمس جولات، وأنا أم وكنت حاسة بمشاكلهم في العمل، حاسة اللي عايز يكون رابر ويشتهر وبيكون عنده مشاكل في الجو التقليدي الشرقي، ورياضة الـ MMA مش مشهورة في مصر عندنا زي الرياضيات التانية، وكويس إنه اتعمل عليها اهتمام أكتر.
وأضافت عايدة: حبيت التمثيل، وأجسد دور أم في فيلم خمس جولات، مخدتش وقت كبير عشان أفهم اللي مطلوب مني، ولكن الفكرة كيفية الإلقاء وميبقاش فيه رهبة قدام الممثلين، والحمد لله الكواليس كانت مضحكة ولطيفة.
عايدة الأيوبي: بنتي لديها ميول غنائية ولكن مدخلتش اللون الشرقي
وعن دخول أولادها مجال الفن والغناء، أوضحت عايدة الأيوبي: ولادي الاتنين مهندسين، ولكن بنتي عندها ميول غنائية قوية، ولكنها مدخلتش اللون الشرقي.
فيلم خمس جولات
يضم الفيلم عددا كبيرا من النجوم أبرزهم، ماجد المصري، نور النبوي، آدم الشرقاوي، داليا شوقي، الراحل مصطفى درويش، وعددا آخر من الفنانين، والعمل من تأليف محمد عبد المعطي وإخراج مازن أشرف، وتدور أحداثه حول رحلة شاب يهوى فنون القتال المختلطة، ويخوض الشاب رحلة طويلة مليئة بالتحديات، وطرح اليوم الفيلم في دور العرض بالسينمات.
