أرسينك: ممكن أقدم قصة حياتي فيلم.. ومعرفش ليه الناس مرعوبة من الذكاء الاصطناعي
كشف مؤدي الراب أرسينك،عن رأيه في استخدامات الذكاء الاصطناعي وانتشاره بشكل كبير في الفترة الأخيرة، كما تحدث عن إمكانية تقديم قصة حياته في عمل فني.
وقال أرسينك، خلال لقائه مع القاهرة 24: الذكاء الاصططناعي تطور طبيعي للتكنولوجيا، وهيبقى ليه عواقب بالتأكيد، والعواقب مع الوقت هيكتشف ليها حلول، ومش عارف ليه الرعب والناس خايفة منه.
وعن الفرق بين حياته بعد دخوله لمجال الراب، قال أرسينك: بفكر في حاجات كتير جدًا بره عن المزيكا بشكل مختلف، حاسس إني بقيت مرتاح وهادي أكتر، كبرت ونضجت، وده بيحصل لأي حد، والراب أدالي حاجات في نفسي اكتشفتها مكنتش مكتشفها.
وأكد مؤدي الراب أرسينك، عن إمكانية تقديم قصة حياته في الراب والتمثيل في عمل فني، إذ قال: بالطبع يمكن تقديم قصة حياتي في عمل سينمائي.
مؤدي الراب أرسينك يتحدث عن بداياته في الراب
وكان مؤدي الراب أرسينك تحدث عن دراسته، وعن بداياته في الراب، إذ قال: درست آداب إنجليزي، ومسبتهاش، وأنا اختارتها عشان يبقى في توازن بين اللي بعمله الراب أو التمثيل وبين الدراسة، وهي بالنسبة لي متوفقة عليا وعلى حياتي، وأهلي كان مرحبين بالفكرة وداعمين، وبحاول أعمل تنظيم وقت وأتطور بحيث إني أقدر أخلص الاتنين مع بعض، في بدايتي في الراب كل حاجة بعملها بنفسي، تلحين كتابة ودراستي للراب كانت بنفسي، مع الوقت بدأ يتدخل ناس معايا في الموضوع زي مدير أعمالي.
