رضا حامد: مش هعتزل الفن لحد ما أموت.. وبتواصل مع أشرف زكي عشان يجيبلى شغل
كشف الفنان رضا حامد حقيقة اعتزاله الفن، مشيرًا إلى أنه يتواصل بشكل دائم مع الدكتور أشرف زكي لإيجاد الفرصة للانضمام للعمل المناسب.
وقال رضا حامد في تصريحات خاصة لموقع القاهرة 24: أنا معتزلتش الفن والفنان عمره ما يعتزل ولا هفكر في الاعتزال لحد ما أموت، وكنت لسه متواصل من يومين مع أستاذ أشرف زكي عشان يجيب ليا شغل وربنا يكرم.
أسباب ابتعاد رضا حامد عن الوسط الفني
وعن أسباب ابتعاده عن الوسط الفني، أشار رضا حامد في تصريح لـ القاهرة 24: بعدي عن الوسط الفني مش بأيدي ونفسي اشتغل.. لكن شركات الإنتاج مركزة في تشغيل ناس معينة.. مفيش فرصة لحد تانى ومعرفش هعيش إزاي من غير شغل.
صلح بين الزعيم عادل إمام ورضا حامد
وعلى جانب آخر، بادر رضا حامد بالصلح مع الزعيم عادل إمام، بعد سوء تفاهم حدث بعد تصريحاته الأخيرة في أحد البرامج، فظن البعض أنه هاجم الزعيم، لانتقاده بعض أفعال عادل إمام معه.
وقال في تصريحات عبر القاهرة 24: عيد ميلادي معاه في نفس اليوم، ربنا يديله الصحة دا هرم كبير، تاريخ ومحدش هيعرف يبقى زيه، كون أنه له بعض التصرفات في المسرح بتاعه فهو حر، مش عاجب الممثل يمشي دا المسرح بتاعه.
ويأتي أزمة رضا حامد وعادل إمام، عندما كشف رضا في لقاء تلفزيوني سابق له: اشتغلت مع عادل إمام في فرقته 9 سنين، وحصل قبل كده لقاء مع الأستاذ أسامة كمال وذكرت أشياء اتفهمت غلط على السوشيال ميديا، فـ ناس نقلت له كلام غلط عني فطردني، مباكلش عيش حتى العيش مباكلوش.
