منال سلامة: الدراما طول عمرها بتناقش موضوعات مهمة.. والجرعة زادت علشان المنصات
كشفت الفنانة منال سلامة تفاصيل أعمالها الفنية المقبلة، بجانب حديثها عن الدراما والقضايا التي تناقشها.
وقالت منال سلامة خلال لقائها مع القاهرة 24، على هامش حضورها الدورة الثانية من مهرجان القاهرة للدراما، عن أعمالها الفنية المقبلة: بقرأ مسلسل ولسه مستقرتش عليه ومبحبش أقول حاجة قبل ما أعملها.
وتابعت منال سلامة، حديثها عن الدراما: الدراما طول عمرها بتناقش موضوعات مهمة، والجرعة زادت شوية نظرًا لوجود منصات، ولكن المهم أن يبقوا فاهمين أن العمل الدرامي التلفزيوني بيدخل البيوت.
وعن الأعمال التي نالت إعجابها خلال الماراثون الرمضاني الماضي 2023، فقالت منال سلامة: عجبني مسلسلات كتير في رمضان زي تحت الوصاية، وحضرة العمدة، وكامل العدد، والهرشة السابعة، في أعمال كتير حلوة شوفناها السنة دي.
منال سلامة: معنديش مشكلة اقعد في بيتنا بالأربع سنين
كما أكدت الفنانة منال سلامة، أنها تختار أدوارها بعناية، ولا تقبل بأي عمل يعرض عليها، قائلة: لو حاجة بتناسبني وأحس بأهمية الدور وأهمية العمل هعمله، ولكن لو محستش بقعد في بيتنا بالـ 3 و4 سنين ومبتفرقش معايا، هنعمل إيه ده المتاح.
وأضافت: اللي يخلينا نتغلب على ده لما تعود الرؤية الأولى للمؤلف ويكتب براحته ويخلص الـ 30 حلقة، ثم نشوف مين اللي مناسب للأدوار، ومين اللي مناسب للعمل كمخرج، نرجع لأصل الحكاية من أولها الدنيا هتتظبط.
