ريهام دي بتاعتي.. شاب ينهي حياة آخر لاختلافهما على فتاة│ تحقيقات
حصل القاهرة 24 على أقوال المتهم بقتل أحد المواطنين، نتيجة خلاف بينهما على إحدى الفتيات وادعاء كل منهما ارتباطه بها، بعد أن تمت إحالته إلى المحاكمة الجنائية.
التحقيقات في قضية مقتل شاب لخلاف على فتاة
حملت القضية الرقم 7785 لسنة 2023 جنايات أول السلام وقيدت برقم 847 لسنة 2023 كلي شرق القاهرة، وتم التحقيق فيها من قبل المستشار أحمد غزال وكيل نيابة شرق القاهرة الكلية، تحت إشراف المستشار أحمد شورب المحامي العام الأول لنيابة القاهرة الكلية.
المتهم في القضية هو الورداني م. أ.، 18 سنة، طالب، وجاءت التحقيقات مع المتهم وأقوال المتهم كالتالي:
س: ما اسمك وسنك وعملك؟
ج: الورداني م. أ.، 18 سنة، طالب.
س: ما هي تفاصيل الواقعة؟
ج: في شهر مارس 2023 اتخانقت أنا وريهام ودخلت كلمت المجني عليه وفكت البلوك ليه وفضلوا يتكلموا، والنهاردة كنت ماشي أنا وريهام راجعين من الدرس بتاعها ولقيته شافني أنا وهي، وجه بيجري عليا وماسك في إيده كتر وقال لي أنا مش هروحك سليم وزقني في صدري وراح يكلمها هي وشتمها وقالها إحنا مش رجعنا لبعض، وبعد كدة أنا شديته وقولت له هو أنا مش بكلمك راح زقني تاني وراح لها رحت شدتها عليا تاني، راح مسكني من رقبتي وقطع السلسلة، وبعدين قالي السلسلة دي تذكار أنا مش هديهالك تاني، فانفعلت وروحت زقيته راحت المطواة اللي كانت معاه وقعت من جنبه وبعدين جيت أوطي أخدها إداني بالبونية بعد كدة جه واحد بتاع توك توك وقف يحوش بينا ولقي في إيده مطواة راح سابنا ومشي، وبعد كده المجني عليه حاول يضربني في دراعي بـ الكتر لقاه معملش حاجة وحاول يضربني في رجلي بس مجتش فيا، روحت أنا فتحت المطواة اللي جبتها من الأرض وقمت ضاربه بيها ضربة في قلبه نزل دم على الأرض ولقيته وقع على الأرض، وأنا المطواة فضلت في إيدي وقمت سايبها من إيدي، وأول ما وقع الناس اتلمت وأنا فضلت واقف في المكان متحركتش لغاية ما جات الحكومة.
س: ما سبب قيامك بالتعدي على المجني عليه؟
ج: علشان هو أول ما شافني مع ريهام جه شد معايا في الكلام واتخانق معايا وكان عاوز يضربني وكان في إيده كتر.
س: ما هي الأداة المستخدمة في التعدي على المجني عليه وما وصفها؟
ج: سلاح أبيض مطوة.
س: متى وأين حدث ذلك؟
ج: الكلام ده النهاردة 30 مارس 2023 الساعة 1:30 ظهرا جنب جنينة السادات.
