علا غانم: محدش هيعوض غياب طلعت زكريا.. وعدم مشاركة ياسمين عبد العزيز بفيلم أولاد حريم كريم لهذا السبب
وجهت الفنانة علا غانم رسالة للفنان الراحل طلعت زكريا، وعلقت على غياب الفنانة ياسمين عبد العزيز وعدم تواجدها في فيلم أولاد حريم كريم.
وقالت علا غانم خلال حوارها مع القاهرة 24 عن الراحل طلعت زكريا: هقوله وحشتني جدًا وغيابك عمر ما حد هيقدر يملى المكان بتاعه، ولحد النهارده فيه الميمز عنه من المشاهد اللي بتجمعنا ولما بتفرج عليها بضحك وبقول عمر ما فيه حد هيقدر يملى فراغه.
وعن غياب ياسمين عبد العزيز عن المشاركة بفيلم أولاد حريم كريم، أضافت علا غانم: فيه ناس كتير مش موجودة مش بس ياسمين اللي أقدر أقوله إن كل واحد في مرحلة من حياته عمرية بيبقى محاط بناس.
وأكدت علا غانم أن فيلم أولاد حريم كريم هو سبب رجوعها إلى مصر وتركها أمريكا، قائلة: أوعد الجمهور إن الجزء التاني هيكون أحلى من الأول، والفيلم هو السبب في رجوعي وقدر يخليني أمشي وأسيب شغلي؛ لأن الورق أقنعني وقبلها ما كنتش لاقية حاجة أو سبب يخليني أرجع مصر.
أولاد حريم كريم
العمل من بطولة الفنان مصطفى قمر، ويشارك فيه مجموعة كبيرة من الفنانين، أبرزهم: بشرى، علا غانم، بسمة، داليا البحيري، خالد سرحان، يوسف عمر، فؤاد محسن، تيام مصطفى قمر، رنا رئيس، هنا داوود، والعمل من تأليف زينب عزيز، وإخراج علي إدريس.
