هاني عادل يكشف حقيقة الخلافات بين أفراد فرقة وسط البلد المتسببة في غيابهم السنوات الماضية

كشف الفنان هاني عادل حقيقة وجود خلافات بين أفراد فرقة وسط البلد، التي أدت إلى غيابهم عن الساحة الفنية خلال الفترة الماضية.

وقال هاني عادل خلال لقائه مع القاهرة 24، إنه لا توجد خلافات بين أفراد فرقة وسط البلد، ولكن سبب الغياب يعود إلى أنهم يريدون عودة قوية للجمهور، بتجهيز أغانٍ جديدة مُخطط لها جيدًا، مشيرًا إلى أن انطلاقة الفرقة المختلفة في بداية الألفية صنعت اسمهم ووضعتهم على الخريطة الفنية.

وأردف: وسط البلد بدؤوا وحفروا في الصخر ومهدوا الطريق عشان نفسهم يبقى فيه في مصر فرق الموسيقى المستقلة وتعبنا أوي، ولغاية ما بقت الأساسية، وإحنا متعودين نغير في المزيكا زي بداياتنا، إحنا كنا أول فرقة في مصر تغني مع مؤدي راب زي شاهين، وكنا أول فرقة تشتغل مع فرق أندر جراوند في 2012.

وأضاف هاني عادل: مش متعودين نبقى تابعين لحد، إحنا متعودين نعمل حاجة الناس تقلدها بعدين، يشوفوا حاجة تشجعهم يعملوا حاجة شبهها أو أفضل منها، فإحنا اتأخرنا عشان عايزين نغير في المزيكا، إحنا فرقة حاجة كده كده، مبقيتش أتكسف أقول ده، ومش عيب نبقى عارفين إحنا فين.

حفلات فرقة وسط البلد 

وأحيت فرقة وسط البلد مؤخرًا حفلًا على مسرح أوبرا جامعة مصر بمشاركة فرقة كايرو ستيبس يوم الأربعاء المواقق 29 يوليو الماضي، كما أحيت حفلا آخر يوم الأحد الموافق 27 يوليو الماضي حفلًا ضمن حفلات مهرجان القلعة الدولي للموسيقى والغناء بدورته الـ 31.