مش ماضية عقد احتكار مع حد وأعتبر مشاركتي في ع الزيرو ضيفة شرف.. أبرز تصريحات نيللي كريم
حلت الفنانة نيللي كريم، ضيفة على أحد البرامج الإذاعية؛ حيث تحدثت خلال اللقاء عن مشوارها الفني، وحقيقة خلافها مع الفنان محمد رمضان وشركة العدل جروب، بعد تعاونهما في فيلم ع الزيرو.
ونستعرض لكم أبرز تصريحات نيللي كريم الإذاعية:
- أنا مش من الناس اللي عندها السوشيال ميديا هدف، والسوشيال ميديا لها تأثير كبير على الناس وأنا من المدرسة القديمة ومركزة في شغلي.
- أنا بحب الفن ككتلة على بعض مش نيللي في الفن، ويوم ما أقرر إني مش همثل هعمل حاجة فنية من ورا الكواليس، وبحب صناعة الإبداع.
- أنا من أكتر الناس اللي عملت البطولة الجماعية.
- مسلسل روز وليلى تاني عمل يجمعني مع يسرا، وأنك تشوف يسرا كل يوم ده شيء جميل، وهي بتحب الحياة والناس كلها، والتجربة كانت مختلفة.
- أنا مش ماضية عقود احتكار مع أي حد ولا العدل جروب، وبشتغل مع ناس كتير وأي حد بيشتغل معايا، لكن أهم حاجة هعمل إيه وهقدم إيه مختلف.
- فيلم ع الزيرو أنا بعتبر نفسي طلعت فيه ضيفة شرف، لإن البطولة كانت بين محمد رمضان والطفل.. ومعنديش خلافات مع رمضان هو فنان مجتهد ومحبوب.
- الحمد لله الواحد عنده رصيد تقيل في الدراما ومقصرتش فيها، ونفسي التأثير بتاع الدراما يحصل في السينما.
- بعتبر مسلسل ذات من الأعمال الكلاسيكية، وناس كتير لغاية دلوقتي من وقت ما نزل من 10 سنين بيتفرجوا عليه
- مسلسل سجن النسا، من المسلسلات اللي تعرفي تتفرجي عليها دلوقتي هو مسلسل قاسي يعني لو إنتي في موود حلو متتفرجيش عليه
- مسلسل تحت السيطرة من المسلسلات المهمة اللي أثرت في ناس كتير، وواحد عالج ابنه من الإدمان بسببه
- هعمل حاجة مختلفة في رمضان 2024 وهيكون مسلسل كوميدي
- أنا تعبت من الدراما التقيلة وتعبتني نفسيًا وخلاص زهقت وعايزة أدخل في مرحلة مختلفة
- عايزة أركز في السينما لإنه يمكن أنا مقصرة في السينما وبقالي كتير مبقدمش حاجة
- أنا سمعت عن الفيل الأزرق الجزء الثالث من فترة ولكن معنديش معلومة لسه عن جدية الموضوع
