إنجي أبو السعود: هادي الباجوري كان ريس مركب سفاح الجيزة
تحدثت إنجي أبو السعود، المشاركة في كتابة سيناريو مسلسل سفاح الجيزة، عن التعاون مع مخرج العمل هادي الباجوري، والذي وصفته بأنه ريس المركب.
وقالت إنجي أبو السعود في تصريح لـ القاهرة 24: أستاذ هادي الباجوري كان هو ريس المركب في سفاح الجيزة، وحقيقي تجربتي معاه أنا محظوظة بيها؛ لأنه كان بيسمعني وبيسمع كل اقتراحاتي وأفكاري وبنتناقش مع بعض 24 ساعة في كل حاجة قبل التصوير وأثناء التصوير وبعده كمان، حتى في مراحل المونتاچ ولحد دلوقتي بنتناقش حتى في ردود فعل الناس طول الوقت.
وسبق وتحدثت إنجي أبو السعود، عن تجربتها كممثلة مشاركة في مسلسل سفاح الجيزة، بجانب مشاركتها في كتابة أحداثه، مع مؤلف العمل محمد صلاح العزب، وعماد مطر، وقالت: مشاركتي بدور نور في المسلسل كانت شوية تحدي، لإني كنت محتاجة أفصل تماما إني أنا اللي كاتبة أحداث المسلسل، وبين إني دلوقتي نور اللي مضحوك عليها من حسن -أحمد فهمي-.
وأضافت: مكانش قدامي حل في إني أفصل بين شخصيتي الحقيقية وبين نور اللي بجدسها، غير إني أقنع نفسي إني نور، وأنسى إنچي دي تماما، وأقنع نفسي إني فاقده الذاكرة مؤقتًا علشان أنسى كل حاجة أنا كاتباها.
مسلسل سفاح الجيزة
يعرض حاليًا مسلسل سفاح الجيزة، بطولة الفنان أحمد فهمي، وكل من: باسم سمرة، ركين سعد، داليا شوقي، حنان يوسف، جيهان الشماشرجي، حنان يوسف، وغيرهم، والعمل من إخراج هادي الباجوري.
