مطعم بمنطقة الفسطاط يتسبب في تسميم عدد كبير من الكلاب.. ويرد: عند ربنا إحنا اللي هنتحاسب
نشرت فتاة من سكان منطقة مدينة الفسطاط الجديدة محافظة القاهرة، فيديوهات وصور لعمال مطعم حاتي شهير بالمنطقة، وهم يستخدمون السم للتخلص من الكلاب في المنطقة المحيطة المطعم.
مطعم بمنطقة الفسطاط يتسبب في تسميم عدد كبير من الكلاب
وتحدثت هنا إحدى سكان منطقة مدينة الفسطاط الجديدة عن تفاصيل تسميم عمال مطعم للكلاب الموجودة بالمنطقة قائلة: كنت قاعدة في البلكونة، ولقيت عند المطعم ناس كتير واقفة، بيتفرجوا على كلب واقع وبيترعش، وبعد كده مات.
وتابعت: بعدها لقينا كلب تاني بيقع وبيموت بنفس الطريقة، وبعدها لقينا الكلاب المحيطة بالمطعم، بتموت بنفس الطريقة، وكل ده احنا مش فاهمين حاجة، وبعدها فيه حد حسبن على أحد عمال المطعم، ودخل في مشادة مع ذلك العامل، وفي نهاية المشادة، قال العامل عند ربنا احنا الى هنتحاسب.
وأشارت هنا إلى وجود تعمد من جانب المطعم لتسميم الكلاب قائلة: عمال المطعم حطوا سم في أكل للكلاب وبسبب كده الكلاب كانت بتقع واحد ورا التانى، حسبي الله ونعم الوكيل، من لا يَرحم لا يُرحم حالة من اللاإنسانية والجحود.
تعليقات مستخدمو مواقع التواصل الاجتماعي
وانهالت التعليقات المنتقدة لـ حادثة تسمم الكلاب فقال حساب: مش مصدقة إن ممكن إنسان يعمل كدا عادي ببرود قلب وقدام أطفال.
بينما قال آخر: حسبي الله ونعم الوكيل، من لا يَرحم لا يُرحم حاله من اللاإنسانية.
