ليلى طاهر: زعلانة على السينما ومش شايفة أفلام
أبدت الفنانة ليلى طاهر، رأيها في الأعمال السينمائية التي تتعرض خلال الفترات الماضية، مشيرة إلى أن مصر أخرجت عدة أفلام سينمائية رائعة.
وقالت ليلى طاهر في تصريح لـ القاهره 24: أنا زعلانة جدًا على السينما لأنها وقفت.. وأنا مش شايفة أفلام، وسينمات في دور العرض بقت مقفولة وده بيزعلني جدًا.. ده حتى مصر أم أفلام الدراما.
سر ابتعاد ليلى طاهر عن مواقع التواصل الاجتماعي
وعلى جانب آخر، ردت ليلى طاهر على سر ابتعادها على مواقع التواصل الاجتماعي في تصريح سابق لـ القاهرة 24، حيث قالت: السوشيال ميديا كلها بقت بالنسبالي ممنوعة ومبقتش أقرأ تاني وابتعدت خالص، خليهم يكتبوا اللي هما عاوزينه بقى، وأنا زهقت منهم وممكن الفيسبوك اللي ممكن متفاعلة معاه شوية قليلين بس.
وحول شائعات وفاتها، ردت ليلى طاهر قائلة: لما نزل خبر إشاعة وفاتي أزعجني وسبب ليا أذى نفسي ولما بشوف زملائي في الوسط بيطلع عنهم شائعات وفاة بزعل جدًا وبضايق أصل هتستفاد إيه لما تطلع كده بس، وبعدين قولت يعني هما نزلوا إشاعات عن وفاتي ومبسوطين وأنا اللي هضايق ومتصدقوش كلام حد أنا بخير.
أعمال ليلى طاهر
يذكر أن ليلى طاهر شاركت في العديد من الأفلام منها الناصر صلاح الدين، لا تدمرني معك، عفوًا أيها القانون، الاحتياط واجب، المدمن، حكمت المحكمة، عاصفة من الدموع، ليالي ياسمين، تضحك الأقدار، الطاووس، قطة على نار، وزمان ياحب.
