تامر حسني يشارك مع الهلال الأحمر بحملة مساعدات لمتضرري المغرب وليبيا: معاهم في كل أزمة
شارك تامر حسني جمهوره ومتابعيه مجموعة صور من مشاركته في حملة مساعدة مع الهلال الأحمر لصالح متضرري ليبيا بسبب الإعصار المدمر، والمغرب بسبب الزلزال، داعيًا متابعيه بضرورة المشاركة المجتمعية والمساهمة لمساعدة المتضررين مع جمعية الهلال الأحمر.
وكتب تامر حسني عبر حسابه بموقع تبادل الصور والفيديوهات، انستجرام: مساء الخير عليكم شبابنا وكل أهالينا في مصر طبعًا كلنا شوفنا اللي حصل في المغرب وليبيا، وأكيد كلنا في أشد حالات الحزن ونفسنا نعمل حاجة.. كلامي للّي قادر.. واللي مش قادر جزاه الله كل خير لو كثف الدعاء لأهالينا وأخواتنا.
وأضاف تامر حسني: مش هطول عليكم.. يا جماعة عندنا في مصر جمعية الهلال الأحمر المصري بجد ناس ليهم الجنة إن شاء الله، أنا فخور بيهم أوي وبحبهم أوي من كل قلبي، دول ناس رحيمة وهبوا حياتهم لخدمة الإنسانية وكل يوم عندهم شباب جميل متطوع لخدمة الانسانية، الحقيقة إننا بمشيئة الله دايما معاهم في كل أزمه بتقابل مصر أو أي شعب عربي بس أكيد أنا مش كفاية.
واستكمل تامر حسني: أتمنى من كل مصري أنه يهتم بالجمعية العظيمة الرحيمة دي ويحاول يقدم أي دعم ولو بسيط ليهم وأتمنى إن اللي ميعرفهمش يحاول يعرفهم كويس عشان لو عرفهم وعرف دورهم وإزاي بيخاطروا بحياتهم عشان سلامة وإنقاذ البشر.. هيبصلهم بنظرة عظيمة تانية من قلبي كل المواساة لأهالينا في المغرب وليبيا ومن أرض مصر بنقولكم كل مصر معاكم وخالص تعازينا لأسر الضحايا من أهالينا وكل الدعاء لعودة وسلامة المفقودين منهم ربنا يصبركم وحفظكم ويحفظ أمتنا العربية.
