هشام ماجد: بتشائم من الرجل العناب.. وأنا وشيكو مش هنعمل الفيلم مع أحمد فهمي
كشف الفنان هشام ماجد، موقفه من الفيلم الذي تعاقد عليه الفنان أحمد فهمي، لتقديم شخصية الرجل العناب في فيلم سينمائي، المأخوذة من مسلسل الرجل العناب الذي جمع الثلاثي في عام 2013
وقال هشام ماجد في تصريحات تليفزيونية: أنا وشيكو مش بنشارك في فيلم الرجل العناب، أحمد فهمي سألنا بس كان كل واحد مشغول في حاجة فاعتذرنا، قالنا هعمله أنا قولناله أعمله طبعا، بس أنا عموما بقيت بتشائم من الرجل العناب لأننا اتخانقنا مرتين بسببه.
وأضاف هشام ماجد: اتخانقنا مرة وهو مسلسل، ومرة لما جينا نعمله فيلم، بنتخانق ونتصالح تمام بس الرجل العناب دايما مكلكع، وقبل ما يتعمل مسلسل كان المفروض هيتعمل فيلم وصورنا فعلا يوم من الفيلم ده، وبعدين اتخانقنا ومكملناش الفيلم فعملناه مسلسل، فبالنسبالي خلاص أنا حابه زي ما هو.
هشام ماجد: محمد سعد ودانا إسكندرية عشان نكتب بوشكاش
ومن جانبه، كشف هشام ماجد كواليس تعاونه كمؤلف مع الفنان أحمد سعد، في فيلم بوشكاش، وقال: أنا وأحمد فهمي كنا كاتبين جزء من فيلم بوشكاش قبل ما نعرف إن محمد سعد اللي هيعمله، ولما عرفت إننا هنعملهوله، كانت فرحة غير عادية، أنا أصلا بحبه ودخلتله فيلم بوحة 3 مرات، وساعتها محمد سعد قالنا الفيلم ده مش هيتكتب كدة، إحنا نطلع إسكندرية، وفعلا طلعنا وكان كل يوم يجيبلنا جمبري وسمك ونقعد ناكل ونكتب لحد ما خلصنا الفيلم.
