ركين سعد تتحدث عن كواليس وتحضيرات دورها في سفاح الجيزة: خوفت من نجاح العمل
تحدثت الفنانة ركين سعد، عن دورها في مسلسل سفاح الجيزة الذي عرض مؤخرًا وحققت فيه نجاحًا كبيرًا، إلى جانب حديثها عن الكواليس والتحضيرات والصعوبات التي واجهتها.
وقالت ركين سعد خلال استضافتها في برنامج ضيفي مع الإعلامي معتز الدمرداش، عن ردود الأفعال على دورها في مسلسل سفاح الجيزة: صحيت الصبح بعد عرض الحلقة الخامسة والسادسة، لقيت ناس كتير بتتكلم عن المسلسل ودوري فعلى طول قفلت وقعدت أجري واتبسطت جدا لأننا تعبنا أوي وحب الناس فرحني وقد إيه هما أعطوني كمية الحب دي، وفي نفس الوقت حسيت بالخوف وسألت نفسي هل هفضل كده وازاي استمر في النجاح، وأنا شخص بفكر كتير وبحاول أشتغل على نفسي علشان أهدي الانفعالية بتاعتي والتوتر.
ركين سعد تتحدث عن التحضيرات لشخصية زينة
وعن التحضيرات التي سبقت تصوير المسلسل قالت: من أول ما كلموني وقرأت السيناريو عجبني جدًا وفكرة أنه مستوحى تخلي أي ممثل متحمس، وطاقم العمل اللي اشتغلت معاه بروفيشنال وبيحبوا شغلهم وشاطرين أوي، إلى جانب أن الشخصية اللي قدمتها فيها تحدي ومركبة وصعبة، فالبنسبة لي المشاركة في المسلسل كانت رحلة وحضرنا واتكلمنا في أفعال الشخصية وعملنا اختبار للبس والميكلب وشفنا كذا شكل للشخصية واشتغلت مع مدرية التمثيل وفسرنا الحاجات أكتر من جوه.
وعن أهمية مدربة التمثيل والاستعانة بها قبل التصوير قالت: ممكن أدوار معينة محتاج حد يبقى معاك ويساعدك وكنا بنعمل تمارين وبنتكلم في الشخصية بنحاول نشوف الأجزاء اللي قصرت فيها وهي عبارة عن ورك شوب وفيها تفاصيل كتير ودي من الحاجات اللي بحبها حتى لو مش بمثل بعمل ورك شوب وبحب أكون موجودة لأن حلو جدًا مساحة أني الواحد يجرب قبل التصوير، ويتمرن على الإحساس والصوت والكلام.
كما تحدثت ركين سعد عن دورها زينة في المسلسل قائلة: أحيانا كنت بحس أن زينة وأنا واحد، ولكن أنا عمري ما أعرف اكون حد تاني ولكن ممكن اتصرف بطريقة تانية، خاصة لما تكون بتفكر في حاجة طول الوقت وبتحضر لها وبتفكر في مشاعرها وهي واخدة تفكيرك طبيعي تأثر عليك سواء جسمك أو مشاعرك أو جهازك العصبي فدي حاجة صعبة، ومش طول الوقت التعب ولكن في أيام معينة المشاهد بتكون صعبة بمجرد ما تقراها.
