غالية بنعلي: الفن التشكيلي اتجاهي الأول.. وسجلت أغنية هنخيش من غير ما أغسل وشي
تحدثت الفنانة غالية بنعلي عن دراستها للفن التشكيلي وأهمية دراسته، وعن كواليس أغنية هنخيش، موضحة: سجلت الأغنية من غير ما أغسل وشي.
وقالت غالية بنعلي خلال حوارها مع القاهرة 24: الفن التشكيلي هو اتجاهي الأول.. وسبب اتجاهي هو إني كنت عايزة أحكي حكايات من وأنا صغيرة، وبحب الكتب اللي فيها رسومات.
وأضافت غالية: دراستي للفن التشكيلي فتحت لي معارف كتير عن الإحساس، ودراسة الفن التشكيلي مهمة زي الفلسفة لأنها بتهذب قيم كتير.
غالية بنعلي: صورت أغنية بنخيش من غير ما أغسل وشي
وعن كواليس تحضيرها لأغانيها، أوضحت غالية: لما بلحن أغنية بيكون فيها حكاية وبناء وبشوف رسومات، وده من خلال دراستي للفن التشكيلي، وأغنية هنخيش صورتها في البيت ومغسلتش وشي وأنا بسجلها وليه أحط ميكب؟!
واختتمت غالية حديثها: اتعلمت من المصريين الحكي دايما بيحبوا يحكوا حتى في الأفلام، ومش هيفضل مننا غير الحواديت.
وفي سياق آخر، تحدثت غالية سابقًا عن أول أغنية لحنتها، موضحة: أول أغنية لحنتها بالمصري أنا حرة لفؤاد حداد وبعدها رباعية صلاح جاهين، وصوت ومريم صالح بيفكرني بالشيخ إمام، ولكن أنا مقدرش أغني زي الشيخ إمام بالظبط.
