بعد إعلان إعتزاله الفن.. بهاء الدين محمد: يكفينى إن كلماتى عايشة رغم الحقد اللي قابلته

أعرب الشاعر الغنائي بهاء الدين محمد، عن استياءه الشديد بالتعليقات السلبية التي تلقاها بعد إعلان اعتزاله الفن.

ونشر الشاعر  بهاء الدين محمد، منشورا عبر حسابه الشخصي على موقع فيس بوك، إذ كتب: مهما توقعت أو حسيت أو تخيلت مش هعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار إعتزالى والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللى وصلنى من كل مكان وعرفت من خلاله أن ليا مكان في قلوب من حقهم الرفض.

وأضاف بهاء الدين محمد: رد الفعل اللى رافض الإعتزال خلانى أتجاوز اللحظه اللى خليتنى أفكر فيها القرار، كانت لحظه سخيفه اتجمعت فيها أحداث كتيره مش حلوة ونفوس وقلوب كلها حقد وسواد وغباء في الحياة الفنية والشخصية، وكم كبير من ضعف وطمع ناس مش ناس، وأنا مهما قابلت وكنت قد أى هجوم قذر، بس حسيت إنى محتاج هدوء، وحسيت في لحظة إنى محتاج أعيش لنفسى ومع نفسى بعيد عن أى ظروف تجبرنى على الاحتكاك أو معاملة الناس المرفوضة دين وحياة وأخلاق !!!

وتابع: أنا مش سهل أوصف ناس بالشكل ده، كانت لحظة تقيلة على القلب ولكن اكتفيت بالتخلص نهائى من الأصناف دى اللى بتقصد تتسبب ف أى ضرر وابتزاز بكل شر وطمع واستنزاف للإنسانيه اللى ربنا خلقنى بيها حتى لو كنت بأعاملهم بكل خير وماخدوش بالهم إن الطيبة اللى جوايا طيبة من قوتى ورحمتى، وخاصة لما ألاقى اللى بيتعامل معايه ضعيف وناقص ولكن لابد من مواجهتهم بكل ردع ولازم يتحطلهم حدود.

وختم بهاء الدين محمد: قررت شطب وإستئصال كل حد لا يليق ومرفوض، وإحتفظت فقط بالناس اللى قلوبهم ونيتهم سليمه في الفن والحياه وشكرا على هذا الحب والإحترام اللى  هأفضل قده وأرد عليه بكل فن، وبأشكر كل قلب كتبلى أو بعتلى أو كلمنى يطمن عليا وإعتبرته شاركنى ووقف معايه بكل حب في التجربة دى.
ومهم جدا أقول أنا مش بتاع ترندات ولا ظهور إعلامى بالعكس من سنين واخد قرار أعيش في حالى بعيدا عن الأضواء وأسيب أعمالى فقط في دايرة الضوء ويكفينى إن كلماتى تعيش وتفضل ناجحه وفي قلوبكم، شكرا من قلبى يا أغلى الناس.

بهاء الدين محمد يعلن إعتزاله

سبق وأعلن الشاعر الغنائي بهاء الدين محمد إعتزاله الفن، وذلك من خلال منشور عبر حسابه الشخصي على موقع الفيس بوك، قائلًا: بأعلن إعتزالى لأسباب خاصة.

الشاعر بهاء الدين محمد يُعلن اعتزاله