أشرف زكي يوجه رسالة للفنانين بشأن فلسطين: اعملوا زي باسم يوسف.. ومتكتفوش بكلمتين على السوشيال ميديا
تحدث الفنان أشرف زكي نقيب المهن التمثيلية عن دور الفنانين في أحداث فلسطين الحالية، وما تشهده غزة من قصف إسرائيلي بدأ منذ يوم السابع من أكتوبر الجاري.
وقال أشرف زكي في تصريحات تلفزيونية: يمكن دي نهاية للكيان الصهيوني وأن الشعب الفلسطيني يسترد حقوقه، إحنا من سنوات والقضية دي مفتوحة، وفيه أغاني في أفلام يوسف شاهين زي حدوتة مصرية، وعندنا قصور في الأفلام اللي عن الملاحم.
وأضاف أشرف زكي: الصهاينة بيقدروا يوصلوا صوتهم كويس جدًا، والفيديو اللي عمله محمد صلاح إن يشوفه 70 أو 80 مليون ده كافي جدًا، هو لاعب كرة عالمي.
أشرف زكي: الفنانون لازم يتحركوا.. ومنكتفيش بكلمتين
وعن دور الفنانين بشأن القضية الفلسطينية، أكمل أشرف زكي تصريحاته قائلًا: دور الفنانين إن هما يعملوا حاجة، مش طالب منهم يروحوا يحاربوا، اعملوا زي اللي عمله باسم يوسف، أنت قادر، ومطلوب نتحرك شوية مش نكتفي بكلمتين على السوشيال ميديا، وبنعمل لايكات لبعض.
واختتم زكي حديثه: نعمل أغنية باللغات المختلفة، ولابد أننا نتبرع بفلوس أو بدم ويكون عندنا انتفاضة ودعم علطول، ونفسي من الأجيال الحالية أنها لا تكتفي بوسائل التواصل الاجتماعي إحنا بندافع عن قضية ووطن.. ونبتدي نعمل أغاني، وفيه بعض الزملاء مش عارفين يعملوا إيه، وخالد الصاوي قالي هعمل فيلمين صغيرين وهمنتجهم بنفسي.
