السيسي: عاوزين الناس تحس إننا قادرين نساعدهم يعيشوا كويس
أجرى الرئيس عبد الفتاح السيسي، حوارًا مع إحدى السيدات أثناء تفقده المعرض الدولي للصناعة، وكان بحضور نيفين القباج، وزيرة التضامن الاجتماعي.
وقال الرئيس السيسي، للسيدة: أنا مهتم بالتراث بتاعنا وبالحرف الموجودة في مصر، لأن قدرة الإنتاج فيه تراجعت بسبب إن أصحاب المهن مش قادرين يعيشوا فمقدروش يورثوها لأولادهمم، وتابع: عاوزين الناس تحس إننا قادرين نساعدهم إنهم يعيشوا كويس.
السيسي في ملتقى المعرض الدولي للصناعة
كما ادار الرئيس السيسي، حوارًا مع طلاب المدارس الفنية، وقال أحدهم للسيسي: أنا شوفت كمية تطور كبيرة، أنا في ثانوي بعرف أبرمج وأعمل أي جهاز دي نقلة كبيرة، ليرد عليه الرئيس السيسي قائلًا: الشغل ده هو المستقبل كله، وأي حد بيمتلك العلم والموهبة عنده فرصة عمل في مصر وبرة مصر.
وأجرى الرئيس عبد الفتاح السيسي، جولة تفقدية في المعرض الدولي للصناعة، حيث يستمع الرئيس لعدد من المواطنين والشباب خلال جولته.
وكان قال الرئيس عبد الفتاح السيسي خلال كلمته صباح اليوم في افتتاح الملتقى والمعرض الدولي للصناعة: الناس كلها بتقول إحنا دخلنا قليل والأسعار عالية، أنتم فاكرين الدولة هتبقى قوية وقادرة بحكومة أو برئيس؟، لو فاكرين كدة تبقوا بتظلموا نفسكم والفكرة.
وأضاف السيسي خلال كلمته اليوم: البلد بتقوم بأهلها وشعبها، الناس كل واحد في كل مكان بيحرص على كل قرش وجنيه عشان يوفره لبلده عشان يبقى ليها مكان.
