كان بيكلم أمي وعايز يعمل معاها علاقة غير شرعية.. ننشر التحقيقات في قضية خطف مواطن بالمرج| خاص
ينشر القاهرة 24 التحقيقات في القضية التي حملت رقم 1536 لسنة 2022 جنايات المرج والمقيدة برقم 1336 لسنة 2022 كلي شرق القاهرة، عن خطف متهم وإجباره على توقيعات إيصالات أمانة، بعد اتهامه بالدلوف إلى منزل إحدى السيدات ومراودتها عن نفسها لإقامة علاقة غير شرعية معها.
استدراج مواطن وخطفه
واستمعت جهات التحقيق إلى أقوال نجل السيدة المتهمة الأولى في القضية وقال المتهم ويدعى عمر: اللي حصل إنى أنا كنت شغال مع المدعو سيد المجني عليه في المحل بتاعه وكنت بكلم أمي من على التليفون بتاعه، وبعد كدا أنا سبت الشغل معاه واشتغلت مع محمد حد تاني، وبعد شهرين من سيبان الشغل من عند سيد اكتشفت إنه بيكلم أمي علي تلفونها وعرفت إنه عاوز ينام معاها وقولتها لما يتصل ثاني وافقي وابقي هاتيه البيت علشان اهزقه واخد التلفون وأمسح رقمك من عليه روحت حكيت لأصحابي اسلام ومحمد باللي حصل قالولي لا مينفعش وقالولي نوقفه عند حده.
وأضاف المتهم في اعترافاته: وبعدين اتصل بأمي واأي وافقت إنه ينام معاها وقالتله على الميعاد اللي هيجي فيه البيت في المرج، والميعاد كان يوم الاتنين، وبعدين أنا بلغت صحابي محمد واسلام وقالولي ماشي وهنجيب معانا واحد اسمه محمد حسن معاه عربيه هتنفعنا والتلاتة دول جولي البيت في المرج، وطلعت أنا ومحمد وإسلام البيت من فوق وأمي نادية ومحمد راحوا يجيبوه من الدائري بتاع المرج وبعد شويه رجعوا ومعاهم الراجل سيد وطلع هو وأمي البيت ومحمد مشي بالعربية وبعدين دخلوا الشقة مع بعض فرحت داخل عليهم الشقة ولقيت سيد قالع البنطلون والشورت لحد نص ركبه ومن فوق ملط وامي كانت قالعه الطرحة، وأول ما شافنا راح رافع البنطلون واتخض وروحت ضربه ورحت رابط ايده بالطرحه بعد ما زقيته على الأرض ورحت أنا وإسلام ومحمد ربطناه بالحبل وفضل يقول لينا هديكم كل حاجه بس سيبوني امشي بعدين راح قال لينا أنا راكن عربيتي في المرج خدوها أنا مش عاوزها واسلام قاله احنا مش عاوزين عربيات وقال في فيزا في العربية خذو منها اللي انتم عاوزينه وبعدها هو كان بيتكلم فرحت ضاربه تاني.
وأكمل: راح محمد واخد المفتاح هو وإسلام وراحوا جابوا العربية من عند الدائري المرج وراح قايل لهم مطلعتش فيزا طلعت بتاعت الضرائب بعدين راح مصورينه قالنا إن في إيصالات أمانه في العربية وراح محمد جابها من العربية ولقي النضارة والسبحة راح جيبهم فراح كاتب لينا إيصالات أمانه فراح اسلام مصوره وقاله بعتهم لمراتك راح سيد قاله ممكن اكتب عربيات باسمك وسيبني وخلاص هبعتلك الفلوس يوم السبت بس متبعتش لمراتي أي حاجة، أنا ممكن أكتب عربيات بإسمكم بعد كدا ركبنا العربية راح ماشي وبعد كدا اتقبض عليا وبعدين خدوني على القسم وعايز أقول إن سيد ادا لأمي ألفين ونص
وكانت محكمة جنايات شمال القاهرة قضت بالسجن سنة للمتهمين عن تهمة استدراج المجني عليه وخطفه والتعدي عليه، وإجباره على توقيع إيصالات أمانة.
