نجل صيدلي مدينة نصر بالتحقيقات: كنت مذهول من أفعال بابا وأختي بتتعالج من اللي عمله فيها|خاص

يستكمل القاهرة 24 انفراده بنشر التحقيقات في  قضية صيدلي مدينة نصر التي حملت رقم 12206 لسنة 2013 جنح الثالث مدينة نصر، والمتهم فيها بالاعتداء على سيدات وأطفال داخل صيدليته الخاصة بمنطقة عزبة الهجانة بمدينة نصر، وتصويرهن بكاميرات المراقبة والاحتفاظ بمقاطع الفيديو على جهاز لاب توب خاص به.

التحقيقات في قضية صيدلي مدينة نصر

وجاءت أقوال نجل صيدلي مدينة نصر أمام جهات التحقيق كالتالي: 

س: وما هي طبيعة الخلافات القائمة فيما بين والدتك والمتهم في تلك الواقعة؟
ج: الخلافات حصلت بسبب اكتشاف موضوع أختي والاعتداء عليها واللي على أثره سابت البيت.
 

س: متى نشبت تلك الخلافات تحديدًا؟
 ج: الخلافات دي ظهرت بمجرد أن أختي حكت لأمي على اللي بيحصل معاها من سنين واللي كانت ساعتها صغيرة وخايفة أنها تحكي حاجة زي كدة وكان الكلام ده في غضون عام 2021 وهي سنة الثانوية العامة بتاعتي عشان كدة متذكر كل أحداثها في البيت.
 

س: ومتى نما إلى علمك تحديدًا سبب تلك الخلافات؟

ج: أنا معرفتش أيه سبب الخلافات دي إلا لما خلصت من الثانوية العامة بتاعتي لأن أمي كالت خايفة على دراستي وهي اقتصرت على أنها سابت البيت ومشيت وفضلت أحاول أعرف أيه السبب لحد ما خلصت الثانوية العامة ولقيت أختي بتخضع للعلاج النفسي وهنا عرفت السبب.
 

قضية صيدلي مدينة نصر 

س: وما الذي علمت به تحديدًا بشأن شقيقتك المعتدى عليها؟
ج: والدتي مدتنيش تفاصيل بحكم الحواجز الأدبية اللي ممكن تكون بين أي أبن وأمه ولكن هي قالتلي أن أبويا كان دائم التعدي على أختي ويلامس مناطق عوراتها بهدف اشباع رغباته الجنسية وبرر ده ليها عشان تحسن التعامل الجنسي مع زوجها حال زواجها.

س:  وهل تحاورت مع شقيقتك المعتدى عليها في شأن التعدي الجنسي الحاصل عليها؟ 

ج: لا لأن المختصين النفسيين أشاروا بعدم الحديث معها في الموضوع ده دلوقتي.

س: وهل أبصرت بها من وقائع المعتدى على شقيقتك من قبل المتهم؟
ج: لا أبويا كان حريص أن محدش يشوف ده لأنه كان بيعمل كدة خلال وجود والدتي في الصيدلية بتاعتها لأنها صيدلانية.
 س: وما هو أثر تلك الوقائع على شقيقتك المدعوة ب. خ؟
 ج: هو ليه أثر نفسي وهي حتى الآن بتخضع لعلاج نفسي بسبب الأفعال دي.
 

أقوال نجل صيدلي مدينة نصر 

س: وماذا عن مقاطع الفيديو الظاهر فيها والدك يلامس عورات النساء ومناطق عفتهن؟
ج: أنا عرفت بموضوع الفيديوهات دي وشوفتها وكنت مذهول منها لكن هو اللي ظاهر فيها وهو ده بنفسه.
 س: وما تحليلك لقيامه بارتكاب تلك الأفعال الظاهر بها بتلك المقاطع؟
ج: أنا معرفش بس هو بيظهر قدام الناس بشكل منمق جدًا ولكن هو داخليًا غير سوي حتى ديمًا كان فيه تساؤلات عندي عشان بيقعد فترات كبيرة مع نفسه وقافل على نفسه.