ارحموا صرخة الطفل.. إيمان العاصي تناشد باستبعاد أطفال غزة من الحروب والإبادات
أعربت الفنانة إيمان العاصي عن حزنها على مصير أطفال غزة، وما يتعرضون له من إبادات وظلم من قِبل المحتل الإسرائيلي، كما ناشدت الدول العربية والعرب بشكل عام باستبعاد الأطفال من تلك المجازر.
وكتبت إيمان العاصي عبر حسابها الرسمي بموقع إنستجرام: خرّجوا الأطفال أرجوكم.. بس الأطفال، ارحموهم والنبي خرجوهم كلهم لينا إحنا طيب، انتوا إزاي كدة؟ قلوبكم وعقولكم من إيه؟ إزاي قادرين تماطلوا كدة إزاي قاعدين مستنين.
وتابعت إيمان العاصي: أنتم إزاي بتناموا؟ عرب إيه وعروبة ايه وأديان إيه بس الوضع مش وضع دبلوماسية يا عالم أنتم مافيش فيكم رجا.. الولاد محروقين وجعانين وعطشانين وخايفين، عارفين يعني إيه جوع وعطش؟ أرجوكم خرجوا الأطفال بس أرجوكم.
إيمان العاصي: كفاية جبروت وأرحموا صرخة الأطفال
واختتمت إيمان العاصي قائلةً: كفاية جبروت، عارفة إنكم مش مشاعركم هي اللي بتحركم، وعارفة إنها حاجة تافهة عندكم بس أرحموا صرخة الأطفال بس.
دعم إيمان العاصي للقضية الفلسطينية
تعد الفنانة إيمان العاصي من أبرز الفنانين الذين دعموا القضية الفلسطينية منذ البداية، وسبق ونشرت عبر حسابها الرسمي بموقع انستجرام العديد من المنشادات والكلام الإيجابي، حيث كتبت في منشور سابق: مفيش كلام يوصف اللي بيحصل يا عالم كفايه حرام، سايبنهم أحياء تحت التراب، حد يتخيل دي موتة؟ فينكم اصحوا.. الأطفال بتصرخ من الألم والخوف والجوع والعطش تحت وفوق الأنقاض، أنتِ يا فلسطين بالوطن العربي كله.
