أحمد مراد: الفن لازم يكون مزعج.. ومن السذاجة إنك تقرأ رواية وتفكر حالك هيتصلح
تحدث الكاتب والسيناريست أحمد مراد عن حبكة الرواية، وعن رأيه في الفن بشكل عام، معقبًا: لازم الفن يكون مزعج.
وأضاف أحمد مراد خلال ندوته في مهرجان الشارقة بـ الإمارات: أهم حاجة في الرواية هي النفس البشرية، وهو ده الشيء اللي بيخلي البني آدم يقرأ أنه شايف في حاجه صراع أو غيره.. وأهم حاجة في حبكة الرواية يكون عندي حل مبتكر ولازم يكون في موهبة حقيقية، وأجمل الأفكار بتجيلي وأنا رايح أنام
أحمد مراد: الفن مش لإصلاح المجتمع.. فيه كتب مخصصة لذلك
وعن رأيه في الفن، قال مراد: من وجهة نظري، الفن متعة ومينفعش يكون إصلاح للمجتمع، وفيه كتب مخصصة لـ ده.. الفن لازم يكون مزعج جدًا عشان يعيد ترتيب أفكار كل واحد فينا تاني.
وعن قراءة الروايات، واصل أحمد مراد حديثه: الرواية مهمتها مدخلش ومخرجش زي ما أنا.. كده هتفضل ساذج هاتولي رواية واحد الخير بينتصر في الآخر والبطل والبطلة بيتجوزوا، النهايات مش لازم تكون سعيدة وشيء من السذاجة أني أقرأ رواية فـ حالي ينصلح، ده شيء يضحك.
وفي سياق آخر، صدر مؤخرًا رواية أحمد مراد الجديدة وهي أبو الهول والتي تدور أحداثها حول سليمان أفندي المصور الفوتوغرافي وسرد حياته.
آخر أعمال أحمد مراد
ويحضر مراد الجزء الثالث من فيلم الفيل الأزرق، وذلك بعد نجاح الجزء الأول والثاني من العمل، وهو من بطولة كريم عبد العزيز.
