أحمد العوضي: الجمهور شريك في فلوسي
تحدث الفنان أحمد العوضي خلال حلقة برنامج حبر سري على قناة القاهرة والناس عن الأسباب التي دفعته للإعلان عن مسابقة بجوائز مالية والتي قوبلت بإشادات وتفاعل واسع من الجمهور خلال الفترة الماضية.
العوضي: لو جالي عمل أنا مش رقم واحد فيه مش هوافق
وقال العوضي: "هعمل المسابقة دي كتير بعد كل شغل، حتى لو إعلان أو برنامج، لأنه شريك في فلوسي بحبه لعوضي".
وأضاف العوضي: "اللي عاوز يقول تريند يقول أصلًا التريند إيه.. هل أنا صدرتلك فعل وحش ولا حلو كفاية نظرة 11 واحد فازوا في المسابقة ممكن أكون ساهمت في حل مشكلة ما عنده، أنا مش عايز أكتر من كده، وبعامل ربي مش بعامل بني آدمين".
وتابع: هو بيتفرج عليا فعلا بيخلص الباقة على عوضي، إنا اديته إيه مشهد حلو مش كفاية، الفكرة جاتلي من هنا.. قلت أرضي إخواتي ومقلتش أرضي جمهوري.
فيما قال العوضي، إنه لن يقبل المشاركة في عمل فني ليس من بطولته، بجانب حديثه عن علاقته بالراحل عمر الشريف، ومشاركته في مسلسل الاختيار.
وأضاف: لو جالي عمل أنا مش رقم واحد فيه مش هوافق، لإن ده مش طموحي دلوقتي، مش رفض للفكرة إنها تناكة ولكن عندي طموح وممكن أوافق في وقت تاني.
