مش مبسوط وبيشتغل من غير نفس.. صابرين تكشف كواليس آخر مكالمة لها مع طارق عبد العزيز قبل وفاته
كشفت الفنانة صابرين، آخر مكالمة بينها وبين الفنان طارق عبد العزيز قبل وفاته منذ ساعات عن عمر ناهز 55 عامًا بعد إصابته بأزمة قلبية مفاجئة، مشيرة إلى أنه أخبرها بأنه غير سعيد.
وكتبت صابرين عبر حسابها بموقع فيس بوك: طارق أنت كنت لسه مكلمني أول امبارح، وكنت بتقولي إنك مضايق وبتشتغل من غير نفس ومش مبسوط، وشفت فيلم وأنا طفلة وكنت عاوز تكلمني علشان بتحس أني طيبة طول عمري، وابتسامتي بتحسسك بالزمن الحلو.
وأضافت صابرين: هو أنت ليه كلمتني كنت بتودع صحابك لا حول ولا قوة إلا بالله.. عزائي الوحيد إنك في آخر المكالمة كنت بتضحك وقولت لي إنك دلوقتي مبسوط بس أنا حزينة وقلبي وجعني قوي يا طارق دموعي مش مخلياني عارفة أكتب إيه.. روح يا طارق عند اللي إن شاء الله هتسعد بجواره ويسكنك الفردوس الأعلى يا أطيب خلق الله ياه علي الوجع ربنا يصبرنا جميعا.
وفاة طارق عبد العزيز
ورحل طارق عبد العزيز عن عالمنا عصر اليوم، إثر تعرضه لأزمة قلبية مفاجئة خلال تصوير أحد مشاهده بمسلسل بقينا اتنين بطولة الفنان شريف منير، ونقل للمستشفى على الفور ودخل العناية المركزة، ولكن توفي بعد دخوله العناية بدقائق.
