رفضت عملا يُسيء للأزهر..
طارق عبد العزيز يكشف تفاصيل خضوعه لعملية قلب مفتوح في آخر لقاء: حسيت أن عندي مشكلة من سنين
كشف الفنان الراحل طارق عبد العزيز، في آخر لقاء تلفزيوني له قبل وفاته، عن تفاصيل خضوعه لعملية قلب مفتوح، بجانب حديثه عن رفضه لعدد من الأعمال بسبب عدم تناسبها مع قيمه الأخلاقية.
وقال طارق عبد العزيز في آخر لقائته التلفزيونية قبل رحيله، مع الإعلامي عمرو الليثي، في برنامجه واحد من الناس، عن خضوعه لعملية قلب مفتوح: أنا كنت حاسس إني عندي مشكلة من سنين، وكان دايمًا عندي هاجس هل ممكن أقابل دكتور من الناس الطيبين ولا دكتور يمرمط العيان على اعتبار إنه مشهور، وكنت خايف جدًا.
وتابع طارق عبد العزيز: فجأة روحت المستشفى ودكتور صديقنا استقبلني وقال وشك مش عاجبني، وعملت شوية تحاليل وقالوا قدامك حاجة من اثنين، إما نحجزك عندنا أو تشوف عايز تتحجز فين ونبعت معاك عربية إسعاف، لإنهم لقوا عندي انسداد فوق 90%، وكل الدكاترة قالوا عملية قلب مفتوح.
وأضاف طارق عبد العزيز: ربنا أكرمي بمحمد رياض ودكتور صديقه عرفني مميزات عملية الدعامات بدون ذكر عيوب عملية القلب المفتوح، وعرفت إنه بيعملها في انسدادات 100% وله طريقة وتلاميذ، ووقعت على إقرار لكن كنت مطمئن جدا لكلامه، ده دكتور فنان، أولا كان في مزيكا لطيفة، وأثناء العملية كان بيسلم على الدكاترة ويكلمني، كإني مع أقاربي مش في عملية، والعملية استغرقت ساعتين بعدها وقفني على رجلي.
عمرو عبد العزيز: كنت برفض أدوار علشان ما أتنازلش عن مبادئي
وأكد الفنان طارق عبد العزيز، أنه لم يقدم أي تنازلات في الوسط الفني، قائلًا: أستاذ عادل إمام كلمني علشان شغل وكنت مضايق جدًّا ساعتها لأني مش محقق حاجة وكنت قاعد سنتين من غير تمثيل، اشتغلت في خلال السنتين موظف ومشروعي باظ وكان بيجي لي شغل بس برفض علشان ما اتنازلش عن مبادئي.
وكشف طارق عبد العزيز، عن رفضه عملًا بسبب إساءته للأزهر الشريف، قائلًا: أرفض تقديم أي عمل يمس الأخلاق العامة والشرف، وكان جاي لي مسلسل فيه شخصية شيخ أزهر بيحب راقصة رفضته لأني هيسيء للشيخ الأزهري.
